ЖАҢАНЫ ҚИМАЙДЫ, ЕСКІНІ СЫЙЛАЙДЫ

Өзекті мәселе

 

  Адамның жаңалыққа қашанда жаны құмар ғой. Өркениетке қол созу да бір арман емес пе. Біздің қаламызда  салынып  жатқан әрбір жаңа  құрылыс нышаны  жетістік саналады.  Қымбатшылық қысып тұрған мына заманда ешқандай кәсіптік іс-шара   оңайшылықпен жүзеге аспайды ғой. Ал құрылысты жүргізу қаншама күш пен қайратты, мол қаржыны қажет етеді десеңізші.

«Жайлау» коммуналдық жаңа базарын пайдалануға бергенде ел болып қуандық. Өйткені қаламызда дәл осындай сәулетті базар жоқ қой.   Тұрған   орны да  жақсы. Көлемі 280 шаршы метр жерді алып жатыр. 28 орынға арналған дүкен 100 орынға арналған сауда алаңы бар екен. Біз журналистер қыркүйектің 12 сінде сағат 4 шамасында жаңа базарды араладық. Мұнда келісім-шартпен 104   саудагер саудасын жасап жатыр. Біз келгенде  тұтынушылар жоқтың қасы екен.. Екінді болғандықтан ба деп ой түйдік. Ортадағы  сауда орындары мүлдем бос. Жеміс –жидек және азық түлік сатушылар өте аз. Көздің жауын алардай жаңа базардың  бұл жағдайы таңқалдырды. Бірақ базар қожайынының құрылыстың  өте сапалы  атқарылуын талап еткені, өркениетке сай болуын мақсат еткені, сәні мен салтанатының жаңа заман талабына сай болып,  тұтынушыларды   қуантпақ  болғанын  көздегені бірден байқалады. Жарайсың інім, Жайлау Власов. Әлемді сұлулық құтқарады. Адам қашанда сән мен салтанатқа құмар емес пе? Сенің бұл еңбегің патриоттық бастама. Іргедегі «Жетісу» базарымен мүлдем салыстыруға болмайды.  Ендеше  саудагерлерге   не керек? Саудагерлерге  қыста тоңбайтын жылы орындары бар жаңа базар  керек еді.   Сол армандары орындалды.   Алаңның еденіне де тас плиталар төселген ғой. Тіпті почта бөлімшесі не  де орын сайланған.  Қаламыздағы ең мәдениетті жаңа базар. Ақиқаты  осы.

  Ел-жұрт қуанды. Іргедегі қиқы–жиқы «Жетісу» базарындағы саудагерлер де осы жаңа базардың салынуын қалаған болатын. Ия. Ия. Дәп солай. 74 саудагер «Жайлау» иесімен алдан-ала келісім шартқа отырған болатын. Енді солардың кейбіреулері орынды осы жерден алып қойып, өздері күн ұзақ Жетісуға барып сауда жасап жүр. Неге?  Келісім–шарт заңды құжат емес пе?

    Оған біздің тұтынушылар да кіналы. Іргедегі бар болғаны он қадам қашықтықтағы жаңа базарға баруға ерініп, жабайы ескі базарға жол тартады. Үйреншікті әдеттері солай. Әттең –ай, бәрі де саналы адамдар ғой. Мал болса, бақташысы беттерін жаңа базарға бұрар еді.

- Әуелі ескі базар жабылсын. Сонан соң барамыз, -дейді онда тұрғандар.

    Десек те «Жетісудың» даулы екенін білмейтін пенде жоқ шығар. Қиқы-жиқы келбетімен, ығы –жығы сапырылысымен қаланың келбетін бұзып, жолаушыларға жайсыздық тудыратыны жұрттың бәріне мәлім. Бұл жабайы базардың орны Үштөбе станциясына қарасты алаң. Үштөбе  Түркістан –Сібір темір жол бойындағы ең үлкен станция. Жолаушылар мен жүк тасымалы Совет Одағы тұсында күндіз–түні тынған емес. Қазір де солай. Еліміздің әр қиырынан жолаушылыр келіп те жатады, кетіп те жатады. Әлі де поезбен сапар шегетіндер көп қой. Сондықтан болар өткен ғасырдың 30-ыншы жылдарында темір жол пайдалануға берілгенде елдің  қуанышында шек жоқ еді. Болат магистраль еліміздің күретамыры саналды. Вокзал алаңы «Жетісу» қақпасы деп аталды. Бұл атаулар әлі де маңызын жойған жоқ. Жоймайтын да шығар.

   Темір жол құрылысшылары болашақтың қамын қатты ойлаған еді. Станция алдындағы ат шаптырым алаңға саялы ағаштар егіп, гүлзар жасады. Тегістеп асфальт төседі. Көз тартар саялы шағын бақ жасап, оны болашақ ұрпаққа сыйға тартқан болатын. Кейінгі бабалар ұрпағы оны күтіп, бабында ұстады.

   Әттең–ай, әттең 1996 жылдың 8 қаңтарында Қаратал ауданының әкімшілігі  Ниязбек Кәрібаев басқаратын Сарыесік фирмасына 0,224 гектар жерді 230, 160 теңгеге сатады. Бұл вокзал алдындағы алаңдағы саябақ еді. Алғашында Шаруа қожалығы деп тіркелген. Кейін оны мүлдем меншіктеп жекеменшік жер деген акт алып, базар ашқан. Әрине, тоқсаныншы қиын жылдарда ауданда базар аз болғанда Ниязбек мырза көптеген саудагерлерге жұмыс беріп, қиындықтан  құтқарғаны да шындық.  Содан бері қаншама жылдар өтті. 230 мыңға бағаланған жер миллион есе өз құнын ақтап, жаңа қожайынын байытты. Енді заман түзелгенде вокзал алдын жолаушыларға арнап абаттандыру мәселесі туындады. Бұл мәселе қараталдықтарды да толғандыра бастады. Жоғарыдағы басшылар тарапынан да нұсқау бар. Тіпті оны жөндеуге қаржы да бөлінген екен. 

   Басшылық жіберген бір ғана қателіктен қаншама басшылар азап шегіп жатыр десеңізші. 1996 жылдан бері Қаратал ауданын басқарған 7 әкім алаңды жабайы базардан тазарту үшін күресіп келеді.  Ниязбек Кәрібаев мырза соттасып келеді. Қазір де іс Жоғары сотта жатыр. Тіпті 2009 жылы аудан әкімі мен маслихат қазан айының 8-15-інде заңсыз қабылданған шешімнің үкімін жойып, Үштөбе қаласының бас жоспарын да  жасапты. Қаржы бар, вокзал жөнделді. Ал алаңды Ниязбек Кәрібаев мырза босатар емес, басқа орынға барудан бас тартады. Ерте ме, кеш пе, әділет жеңеді. Гәп басқада.

   «Жайлау» жаңа базары ескі базардың саудагерлеріне арналған еді. 74 саудагердің келісім-шарты соның айқын айғағы. Олардың  көбі, әсіресе жеміс-жидек сататындар Жайлаудан жер алып қойып, өздері күнұзақ «Жетісуда» сауда жасайды екен.

- Базар жабылмайды

- Әуелі жапсын. Сонан соң бәріміз барамыз,- дейді олар. Сонда  қалай? Жаңа базар салып беруді талап еткен де солар еді ғой.

   Мұндай кеуесетті кім таратып жүргенін білмедік. Жетісудың қазіргі иесі Қанат Ниязбекұлымен телефон арқылы сөйлестік.

- Базарды жаппаймын, -дейді ол да.

 Құрметті  Кәрібаевтар Сіздерге базарыңды жап деген ұсыныс берген жоқ аудан басшылары. Басқа жерден орындар ұсынды. Бас тарттыңыздар. Вокзал алаңының ашылуын тілеп талап етіп отырған Қараталдың халқы.  Дәулетті елге сәулет те керек қой. Адам жаны қашан да өзіне жайлы мекен жайды қалайды. Ендеше «жетісулықтардың» жаңа базардан орын алып, өздері келісім-шартқа қол қойып,  енді күнұзақ жеміс –жидегін ескі  базарда сатуына жол болсын. Қимайтындай не бар мұнда? Не?  Жоғарғы сот әлі өз шешіімін қабылдаған жоқ. Бес қадам жерде Сіздерге арналған орын тұр ғой.

  Кеуесетке сеніп, жаңаны қимайтын, ескіні сыйлайтын халқым–оу, барды бағалау соншалықты қиын болғаны ма?

  Мен «Жайлау» базарының саудагерлердің ең сүйікті орнына айналатынына сенемін.  Қаһарлы қыстан қорғанудың бірден бір жолы заман талабына сай жасалған  мәдениетті орында сауда жасау ғой. Көп кешікпей Заң орнында  оңды шешім қабылданып, алаң өз иесін табады да.

«Жайлауға» халқы сәттілік тілейді.

 МӘКЕН ӨСЕРБАЕВА,

Қазақстанның Құрметті Журналисі.

ӘЛИЯ ИСКЕНОВА, ТІЛШІ.

 

                      

ҚАЛА ТАЗАЛЫҒЫ - МӘДЕНИЕТТІЛІКТІҢ ӨЛШЕМІ «

Дамыған қоғам барлық жерде тәртіп пен реттілік орнатудан, жайлы подъезден, жинақы ауладан, таза көшеден және жарқын жүзді адамдардан басталады. Біз ең ұсақ құқық бұзушылықпен, бұзақылықпен, мәдениетсіздікпен ымыраға келмеуіміз керек, өйткені, осының өзі қоғам тыныштығын бұзады, өмірдің сапасына селкеу түсіреді. Тәртіпсіздік пен бетімен кетушілікті сезіну одан да елеулі қылмыстарға жол ашады...».

Елбасы Н. НАЗАРБАЕВ

Ауыл - аймақты  абаттандыру,  көз жанарын арбайтын гүл егіп, жапырағы сыбдыр қағатын  бәйтеректерге қарап сүйсіну өз ауылын, өз жерін сүйетін, оның табиғатына қамқор көзбен қарайтын әрбір адамның игі ісінің бірі болса керек. Шындығында, ауданымызда соңғы жылдардағы іргелі өзгерістер көптің назарына ілікпей қалған емес. Жылдар бойы тозығы жетіп тұрған нысандар кезең-кезеңімен күрделі жөндеуден өтіп, ел игілігіне пайдалануға берілуде. Оған нақты мысал, қаламыздағы орталық саябақ аумағы толық қоршалып, жарық шамдары қойылып, балаларға ойын алаңын орнату жұмыстары нәтижелі іске асқан. Сондай-ақ төрт қабырғасының қоршауы төрт түрлі,  тозығы жеткен жүгіру жолақтары, доп ойналса шаң көтері-летін арнайы алаңы бар стадионның талапқа сай еместігі спортсүйер қауымның жанына батып жүргенде орталық «Жастар» стадионы да күрделі жөндеуден өтіп, заман талабына сай қайта жаңғырды.

Бірқатар көшелер жарықтандырылып, абаттандыру жұмыстары да назардан тыс қалмады. Алайда, аталған жөндеу жұмыстары аяқталысымен-ақ саябаққа қоқыс тасып, жарық шамдарына қол сұғып, мыңдаған қаражат жұмсалып, еңбекпен жасалған дүниелерді бұзушылар саны артуда. Үлкен-кіші барып тынығатын орталық саябағымыз жөнделсе екен деген аудан тұрғындарының ұзақ жылғы армандары орындалып, пайдалануға берілгеніне көпшілігіміз шаттансақ, қаламыздың көркеюіне өз үлесін қоспақ түгілі, бар әдемі дүниені өз қолдарымен құртуға құштар жандардың арамызда жүргеніне налимыз. Дәл сол саябақта орнатылған ескерткіштерге түрлі жазу жазып, айналасын ластап кететіндер де кездеседі. Отырып тыныққан орынды-ғын сындырып, айналасына қоқыс тастап кете баратындар тағы бар. Осындай мысалдарды көптен келтіруге болады. Қолда барда алтынның қадірі жоқ деген халық мақалы бекер айтылмаса керек. Кез-келген аудан тұрғындарының мәдениеті сол өңірдің тазалығымен өлшенетіні анық.

Күндіз – күміс, түнде – алтын аққан қазыналы Қаратал ауданы тұрғындарының қала тазалығы мен әсем көркіне деген көзқарасы күн өткен сайын нашарлап баратыны жасырын емес. Әрине, бес саусақ бірдей емес. Дегенмен, тұрғындардың басым бөлігі үйіндегі күл-қоқыстарын техниканың көмегімен қаражат төлеп шығарудан гөрі, өз ауламнан аулақ деп, көше бойына лақтырып немесе бұрыш-бұрышқа төге салуды әдетке айналдырған. Қала тұрғындарына шашылып жатқан қоқыстар, сынып, құлап жатқан дүниелер үйреншікті, бір өмір ағысы ретінде қалыптасып, сіңіп бара жатқан секілді. Әулиелер мекені саналатын ауданда тұрақтанған қараталдықтар үшін бұл жараспайтын қылық екені анық. Таза қаланы ластап жатқан халықтың өзі. Ең қорқыныштысы жас жеткіншектердің ой-өрісі сол бағытта дамып бара жатқаны. Бұл мәселенің бір жағы. Қоғамдық орындарда ізеттілік көрсету, үлкенді сыйлау, кішіге құрмет көрсету – біздің ұлттық менталитетімізге тән құндылықтар.

Ең бастысы аға буын өкілдері жастарға үнемі ақылдарын айтып, патриоттық тәрбиеге байланысты шаралар көптеп ұйымдастырылса, тазалыққа қатысты жарнамалар көбейсе, мұның да алдын алуға болар. «Бұл – біздің ертеңгі ұрпағымыз» деп, аға буын өкілдері мақтан тұтатын жастарымыздың тазалығы мен талғамы сай болып, мәдениеттіліктің үлгісін көрсете білсе, нұр үстіне нұр болар еді. Әрбір адам баласының бойында «Менің қалам» деген мақтаныш сезімі оянып, қаламыздың таза болуына өз үлестерін қосса, өлкеміз ажарлана түсері анық. Қаламыздың тазалығы – мәдениеттiлiгiмiздiң өлшемi екенiн естен шығармайық.

Альфита СЕКСЕНБАЕВА

ЕСЛИ ДОБРО ДЕЛАТЬ В РАДОСТЬ

Благо творить

 

Вот уже на протяжении нескольких месяцев в районе не перестают проходить мероприятия, организованные в честь 80-летия проживания корейцев в Казахстане. И это не просто знаменательная дата. В ней прочным фундаментом заложен глубокий смысл выражения благодарности казахскому народу.

В рамках юбилейной даты на протяжении этой недели была оказана помощь 60 малообеспеченным, многодетным семьям из сел Бастобе, Ескельды, Жылыбулак, Кишитобе, города Уштобе Талдыкорганским региональным филиалом ассоциации корейцев Казахстана совместно с районным акиматом, компанией «Frand Asia» из Республики Корея и Ассамблеей народа Казахстана. По словам председателя Талдыкорганского регионального филиала ассоциации корейцев Казахстана Владимира Ли, каждая семья получила ощутимое подспорье в виде 1 тонны угля, 25 кг муки, 10 кг риса, 10 кг сахара и 10 л масла. Со счастливыми, полными слез благодарности глазами встречали жители района добрых гостей. А ведь иначе и быть не может, особенно если добро делается в радость!

Наталья ВЛАДИМИРОВА

Ананың көз жасы

Бір жігіт қатты науқастанып жатып қалады. Кенеттен оның рухы денесінен бөлініп, беймəлім əлемге кіріп кетеді. Фəниде жасаған сауапты істері көп болғаны үшін жəннаттық екендігі хабардар етіліпті. Бір періште келіп:

– Менімен жүр, үш қадам тастасаң жаннатты көресің, – дейді. Жігіт бір қадам тастайды. Сол кезде жылаған дауысты естиді де: «Бұл кім?», – деп сұрайды. Періште: –  Ол сенің досың, сен өлгенде үш күн аза тұтып жылайды, – дейді. Жігіт екінші қадамын тастайды. Тағы да жылаған дауыс естіледі. «Бұл кім?», – дейді. Періште: – Бұл əйелің. Сен өлген соң қырық күн аза тұтатын болмақ, – дейді. Енді бір қадам тастағалы тұрғанда дүниені лəрзеге салатын зар илеген дауыс естіледі. Жігіт қалтырап: «Бұл кім?», – дейді. Періште: – Бұл сенің анаң. Сенің өліміңнен соң ол өмірінің соңына дейін сені сағынып жылаумен болады, –  деп жауап береді. «Енді жүр, тағы бір қадам тастасаң жаннатқа кіресің, бас тартсаң, бұл мүмкіндік саған қайта берілмеуі мүмкін, –  дейді. Жігіт ойланып: – Анамды өлгенінше жылатып, өзім жаннатта уайымсыз жүре алмаспын, – деп артқа шегінеді. Сол кезде жігіт көзін ашады. Жанында басын сипап, көз жасын төгіп, анасы отыр екен.

Еңлік КЕНЕБАЕВА

Селдиді құлай "сүйгендер"

Жақында ағайындарымыздың тойына бардық. Той басталмас бұрын әдемі жерлерде жаппай суретке түсіп жатқан көпшілікке көзі түскен егде жастағы апай жастар арасында өзін-өзі суретке түсіруге деген құштарлықтың шектен тыс артып бара жатқанына байланысты сөз қозғап, бір бойжеткеннің селфи үшін тойға келмей қалғанын айтып, жұрт құлағын елең еткізді. Осыған дейін той сайын жаңа көйлегімен селфи жасайтын ару қыз бұл жолы дүкен жағалай алмапты. Соған бола тойға келе алмай қалған жайы бар екен. Өзге көйлектерімен  әлдеқашан селфилетіп қойғаны жанына қатты батқан  сыңайлы. Сол үшін жақын туыстарының тойына да келе алмай қалған. Күлесіз бе, жылайсыз ба?! Селфидің сергелдеңге салғаны осы да болар.

Толығырақ: Селдиді құлай "сүйгендер"

Біздің журнал

FacebookTwitterMixxVimeo

Күнтізбе

« Қыркүйек 2018 »
Дс Сс Ср Бс Жм Сб Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30