Аурухана ғимаратының күрделі жөндеу жұмысымен танысты

* Тосын тексеріс

 

 

 

    Шілде айының 26 күні облыс әкімінің орынбасары Жақсылық Омар, облыстық денсаулық сақтау басқармасының басшысы Бауыржан Ысқақ ауданымызға арнайы ат басын бұрып, аудандық орталық ауруханада жүріп жатқан жөндеу жұмыстарымен жіті танысты. Аудан әкімі Рауан Рақымбаев, аудан әкімінің орынбасары Қайрат Қасымов, аудандық аурухананың бас дәрігері Біржан Құмаров бастаған азаматтар үш қабатты аурухананың күрделі жөндеу жұмыстары жүріп жатқан негізгі бөлікті аралатты. 

    Аталған нысанды жөндеуге 350 млн. теңге қаражат бөлініп, мемлекеттік сатып алу арқылы «Экспресс-Строй» жауапкершілігі шектеулі серіктестігі 264 млн. теңгеге тендерді ұтып алып, жеңімпаз атанған болатын. Учаске басшысы Вагиф Кураевтың айтуынша, келісім-шартқа 20 маусым күні қол қойылып, бірден жұмысты бастап кеткен. Бір айдың көлемінде демонтаж, яғни орнатылған жабдықты, немесе оның бөлігін орнынан алу үшін бөлшектеу жұмыстары жүргізіліп жатыр екен. Оның айтуынша, бас инжинер, участке бастығы, екі прораб, үш бригадир және жұмысшыларды қосқанда 55 адам еңбек етіп жатыр. Ғимаратқа сылақ, теміртормен сейсмологиялық күшейту, есік-терезені ауыстыру, кәріз жүйесін, жылу жүйесін, электр желілерін қайта тарту секілді күрделі жөндеу жұмыстары жүргізімек.     

  Облыс әкімінің орынбасары Жақсылық Мұқашұлы құрылыс жұмыстарын үнемі қадағалауда болатынын айтып, шымкенттік мердігер компанияға жұмысты уақытылы жүргізу және жергілікті жұмысшыларды тарту керектігін ескертті.     

 - Біріншіден, адамдар өте аз. Сіздер 55 адам деп айтасыздар, ауданның бас дәрігері күн сайын 25 адам еңбек етіп жүргенін айтады. Екіншіден, жұмыс жоспарларыңыз жоқ. Бұл ғимарат - облысымызда күрделі жөндеу жұмыстары жүріп жатқан нысандардың ең үлкені. Келісім-шартқа қол қойғаннан кейін ғимаратты сапалы жасау керек, қаншама аурулар күтіп отыр. Қараша айында нысанды жөндеуді аяқтаңыздар, - деді облыс әкімінің орынбасары Ж. Омар.

   Ол аудан, аурухана басшыларына ғимараттың күрделі жөндеу жұмыстарын күн сайын бақылауға алып, жоспардан қалмау жағын қатаң қадағалау қажеттігіне баса назар аударды.    

А. Өмірбаев.  

ШЕГІРТКЕГЕ ҚАРСЫ КҮРЕС

Ауыл шаруашылығы

Көктем келіп, дала жылысымен шырылдауық шегіртке атаулы ән айтып, би билей бастайды. Қара жерге күні түскен диқаншы қауымы аталмыш жәндікпен жаз бойы алысатын жайы бар. Шегірткелер бой бермей кетпес үшін мамандар оларды қанаттанбай тұрып, жойып жіберудің әрекетін жасайды. Әр жыл сайын 22 мамырдан басталатын шара ағымдағы жылы ауа-райының салқындығына байланысты кешігіп басталды. Аудандағы 8 ауылдық округте итальяндық шегірткелердің дернәсілі тіркелсе, 6 ауылдық округте азиялық шегірткелер анықталған.

Арнайы мамандар 30 мамыр мен 13 маусым аралығында «АН-2», жеңіл ұшақ, атомайзер сынды техникалардың көмегімен зиянкестерге қарсы диуран, хомбат, церакс, корвет, даклоприт сынды дәрі-дәрмектер шашылуда. Атап айтар болсақ, атомайзер техникасымен Айту би, Жолбарыс батыр ауылдық округтерінде (30 мамыр мен 7 маусым аралығында) 1200 гектарға, «АН 2» ұшағымен Айту би, Жолбарыс батыр, Балпық би ауылдық округтерінде (7 маусым мен 13 маусым аралығында) 3200 гектарға, ал жеңіл ұшақпен Айту би, Балпық би, Ескелді би, Бастөбе ауылдық округтерінде 3910 гектарға дәрілер себілді. Алтынға балап ел отырған ырысын зиянкестердің талап, думандатуына жол  бермейік.

Есбол Шарипов, аудандық аумақтық инспекциясы басшының міндетін атқарушы:

- Биылғы жылы көктемнің кешігіп шығуына байланысты шегірткелер енді-енді пайда бола бастады. Ауданда алдағы уақытта жоспар бойыншы үйірлі шегірткеге қарсы 22 мың 500 гектарға дәрі себілу қажет. Оның итальяндық түріне - 16000 гектарға, азиялық түріне - 6500 гектарға, саяқ шегірткеге 3500 гектарға деп күтілуде. Бұл бағытта инспекция мен мемлекеттік РМК фитосанитария, «НакКАЗАВИА» ЖШС-гі бірігіп жұмыс жасауда. Осы зиянкестерге қарсы химиялық өңдеу жұмыстары аудан аумағын қамтиды. Бүгінгі күні итальяндық шегірткеге қарсы химиялық өңдеу жүргізілді. Дәрі себілген соң мал жаюға, шөп шабуға, ара шығаруға болмайды. Біз бұл туралы ақпаратты бір күн бұрын ауыл әкіміне ескертеміз. Дәрі күші 10-15 күнді құрайды. Біздің бірінші мақсатымыз - зиянкестердің егіншілікке зиян келтірмеуін қадағалау. Биылғы жылы егін шығымы жаман болмайды деп ойлаймын.

Әлия ӘЛІБЕК

 

ПОСЛЕДНИЙ ЗВОНОК-2018

События

25 мая в школах по всему Казахстану отмечается праздник под названием «Последний звонок». Он знаменует окончание школьных уроков, хотя одиннадцатиклассников уже не ждут контрольные работы, домашние задания и другие неотъемлемые элементы школьной жизни, но им еще предстоит сдача единого национального тестирования.

На этот раз, честь выпала СШ им М. Горького, её посетили аким района Рауан Ракымбеков вместе с руководителем отдела образования района Куатом Онгаровым. Состоялась торжественная линейка в честь окончания учебного года и юбилея школы, ведь в этом году учебному заведению исполнилось 80 лет.

В своем выступлении Рауан Турдангазиевич поздравил с праздником последнего звонка учителей, родителей, учеников и гостей. Отметив, что это важное событие для каждого из них, совпадает с общенациональной юбилейной датой - 20-летием Астаны, а также 80-летием родной школы. Пожелав каждому выпускнику успешной сдачи единого национального тестирования и найти свое призвание, любимое дело, которое послужит на благо нашего района, нашей страны. А также пожелал всем педагогам и родителям счастья, добра и благополучия!

На торжественной линейке были представлены победители международных, республиканских, областных конкурсов и соревнований за 2017-2018 учебный год среди учителей и учащихся. А также были представлены отличники и выпускники 11-х классов вместе с классными руководителями. Ведь в этом году претендентами на аттестат с отличием претендуют: Айдана Орманбет, Фараби Тажибай, Жандос Сергазин, Нурай Сарсенова, Амина Арыбаева, Александр Ким и Екатерина Ким. Также на «Алтын белги» претендуют Болатбек Игиликов, Рауан Есимбекова, Мадина Мейрамбеккызы, Муслима Кожамкулова, Аяулым Дукенбаева и Аружан Нуртлеу.

Затем торжественное, почетное право ко дню 80-летия последнего звонка было предоставлено претендентам на «Алтын белги» Сагие Кадырбаевой и Исламу Турдангазы, где вместе с учениками 1-го класса Темирланом Манатом, Гульшат Мухаметпай, Данилой Ким и Екатериной Пак прозвенел последний звонок.

В заключении праздника выпускники станцевали последний школьный вальс, после чего в целях сохранения экологии в дружном кругу в небо запустили белых голубей с шарами.

Мадина ЖАНГАБЫЛОВА

Мәртебелі марапат

* Аудан әкімдігінде

 

   Дүйсенбі күні аудан әкімінің мәжіліс залында өткен лездемеде аудан әкімі Рауан Рақымбеков Қазақстан Республикасының мемлекеттік қызметіне 20 жыл толуына орай, аудан әкімшілігінде 25 жыл қызмет еткен азаматтың зейнетке шығуына байланысты құттықтады. Сондай-ақ, Қазақстан  Республикасы Президентінің Жарлығымен марапатталған көп балалы аналарға «Күміс алқа»  медалін салтанатты түрде тапсырды.

   Аудан активі алдына аудан әкімі Рауан Тұрданғазыұлы аудан әкімдігінде көптеген жылдар бойы мемлекеттік қызмет атқарған Виктор Козловтың өз ісіне адал, тәртіпті, білікті маман болғанын айтты. Ол өмірінде 43 жыл бойы еңбек атқарып, соның 25 жылын мемлекеттік қызмет саласынына арнады. Мемлекеттік қызметте жүргенде бас маман, жалпы және қаржылық-шаруашылық бөлімінің басшысы, инспектор қызметтерін атқарды.         

- Қазақстан Республикасы мемлекеттік қызметінің 20 жылдығы қарсаңында сізге ең бастысы үлкен бақыт пен сәттілік тілеймін. Өзіңіздің жақындарыңызбен жиі араласып, отбасы мен достарыңызбен бірге дем алыңыз, өйткені сіз осыған лайықтысыз. Сізге зор денсаулық, қуаныш, керемет көңіл-күй мен барлық жақсылықты тілеймін! – деген аудан әкімі Рауан Рақымбеков еңбек ардагеріне сый-сияпат көрсетті. 

     Сонымен бірге өңір басшысы Қазақстан  Республикасы   Президентінің   2018 жылғы 19 сәуірдегі № 669  Жарлығымен марапатталған көп балалы аналарға «Күміс алқа»  медалімен Қазақстан Республикасы Президентінің атынан мемлекеттік награданы салтанатты түрде табыс етті. Нақтырақ айтсақ, аудан әкімі Рауан Рақымбеков Қызылбалық ауылдық округінің  тұрғыны Әсел Нықысбекова, Үштөбе қаласының тұрғындары - Озатхан Сұлтанбек, Жайнар Қайса және Зухра Мамуч-оглының мойнына «Күміс алқа» алқасын тағып, куәліктерін көпшілік алдында табыстап, сый-құрмет көрсетті.

А. Бақытұлы   

 

 

        

 

 

ҚАРАТАЛ АРУЫ-2018

  • Ø  БАЙҚАУ

 

                            

     Қазақ қауымында қыз баланың орны айрықша болған. Ата-бабаларымыз қызды қонақ деп есептеп, барған жерде бағының ашылуын үйде отырып қамдаған. Барынша ізетті, сыпайы, мейірімді де ісмер, қылықты да қырмызы болуын үнемі қадағалап отырған. Еркін ұстаған, бірақ тым еркінсітпеген. Қыз мінезді келсін, ұл өнерлі келсін», «қызға қырық үйден тиым» деген сияқты мақал-мәтелдеріне арқау қылған. Ауданымызда әр жыл сайын дәстүрге айналған «Қаратал аруы» байқауы өткізіліп тұрады. Биылғы жылы сәуір айының 24 күні аудандық мәдениет үйінде аудандық мәдениет және тілдерді дамыту бөлімінің ұйымдастыруымен «Қаратал аруы-2018» байқауы болып өтті.

 

      Байқаудың мақсаты – тектілікті, сабырлықты, парасаттылықты, нәзіктікті кейінгі ұрпақ бойына дарыту. Жан мен тән сұлулығын қатар алып жүру. Қазақ арулары бойындағы асыл қасиеттерін өскелең ұрпаққа дәріптеу. Байқауда ауданымызға қарасты 7 білім ордасының арулары бақ сынады.

 «Қаратал аруы-2018» байқауына қатысқан әр ару сыртқы келбеті, өнер жағынан бір-бірінен кем түспеді. Дегенмен, ақыл, ой жағынан сынға түскенде кейбір қыздарымыздың сүрініп қалғаны да рас. Мәселен, бесноминацияның үшіншісі – «Сымбатқа парасаты сай келсе» деген тақырып бойынша билет сауалдарына жауап беруде қарапайым сұрақтың жауабын таппаған қыздар да болды. Алайда, жарысқа қатысушылардың бірі оза шауып алға шықса, бірі қатарға іліге алмай қалатындығы өмір заңдылығы екендігін ұғынды. Дегенмен, жеті қыздың ішінен өзінің ақыл-парасатымен, сұлулығына сымбаты сай ару бірден көрерменнің көзайымына айналды. Залда отырғандардың қошеметінен топ жарып алға шыққан аруды аңғардық. 

Сонымен, арнайы бекітілген әділ қазы алқалары өздерінің шешімін жария етті. № 13 орта мектебінің оқушысы Қымбат Жершілбаева - бірінші орын, А. Пушкин атындағы орта мектебінің оқушысы Гауһар Ақынбекова - екінші орын, Ж. Молдағалиев атындағы орта мектебінің оқушысы Томирис Ақмаева үшінші орын алды. Ал, Ақерке Сейтқалиева (Жаңаталап орта мектебінің оқушысы) «Өнерлі ару» болса, Ақбаян Абдраманова (Р. Қошқарбаев атындағы орта мектебінің оқушысы) көрермен көзайымы атанды. Сондай-ақ, қатысқаны үшін алғыс хатпен Елтай орта мектебінің оқушысы Алтынай Қыдырбаева, Кәлпе орта мектебінің оқушысы Маржан Солтанова марапатталды. Жеңімпаздарға «Алғыс хат» пен бағалы сыйлықтар берілді.

                                                                                                                                                  ӘЛИЯ ИСКЕНОВА

Біздің журнал

FacebookTwitterMixxVimeo

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30