Сәтті қадам

Жуырда «Нұр Отан» партиясы Қаратал аудандық филиалының акт залында «Сәтті қадам» партиялық жобасы аясында аудан жастарымен кездесу өтті. Жиынға «Нұр Отан» партиясы Алматы облыстық филиалы төрағасының орынбасары Серік Нұрқадыров, облыстық білім басқармасы басшысының орынбасары Гүлсара Исағұлова, Алматы облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Сәния Наурызбаева, аудандық мекеме басшылары, мәслихат депутаттары, бастауыш партия ұйымдарының төрағалары мен «Жас Отан» жастар қанатының белсенді мүшелері қатысты.

«Нұр Отан» партиясы Қаратал аудандық филиалы төрағасының бірінші орынбасары Жандос Теңелбаев жиынды ашып, «Қазақстан-2050» Стратегиясы қалыптасқан мемлекеттің жаңа саяси бағыты» Жолдауында Елбасы жаңа әлеуметтік саясаттың жаңа принциптерін анықтап, баланы қорғауды алдағы жылдарға ең маңызды басымдылықтардың бірі ретінде белгілегенін айтты.

«Нұр Отан» партиясы Қаратал аудандық филиалы төрағасының бірінші орынбасары Жандос Қасқырбекұлының айтуынша, «Сәтті қадам» партиялық жобасының үшінші бағытының іске асыру барысында партияның филиалдары аудандық, қалалық білім бөлімдерімен жан-жақты салыстырмалы сараптама жасалып, жоғары және арнаулы оқу орындарына түскен, «Жұмыспен қамту-2020» мемлекеттік бағдарламасы бойынша мамандық алып, жұмыспен қамтылатын және әскер қатарына шақырылатын түлектер туралы деректер қоры қалыптастырылған. Нақтырақ айтар болсақ, Бірыңғай ұлттық тестке қатыспаған 132 түлектің 15-і – ақылы негізде жоғары оқу орнына, 69 бала арнаулы оқу орындарына түскен. Сондай-ақ, 13  жас қайта даярлауға жіберілсе, 5 бала «Жол картасы-2020» бағдарламасы аясында және өз бетінше жұмысқа орналастылып. 13-і әскер қатарына шақырылған.  Ал, бірыңғай ұлттық тест кезінде 50 балдық шекті деңгейге жете алмаған 59 түлектің 17-і - ақылы негізде жоғары оқу орнына, 29-бала арнаулы оқу орындарына түсіп, 2 жас қайта даярлауға жіберілсе, 3-уі әскер қатарына  шақырылыпты.

Сөз тізгінін алған «Нұр Отан» партиясы Алматы облыстық филиалы төрағасының орынбасары Серік Нұрқадірұлы «Сәтті қадам» партиялық жоба аясында облыс көлемінде іргелі істер атқарылып жатқанын әңгімеледі. 

- Біздің облысымызға келетін болсақ, 2016-2017 оқу жылында 14268 бала мектеп бітіріп, ҰБТ-да ең төменгі шектік балл ала алмаған 1600 түлек бар екен. Ол балалар да – біздің келешегіміз. Осы «Сәтті қадам» жобасы бойынша аудандық білім, басқа да мемлекеттік мекемелермен бірлесіп, жұмыс жасап жатырмыз. Балалар сыртта қалып қоймай, олардың тиісті оқуларына түсуіне, кәсіптік-техникалық мамандықтарды игеру, икеміне қарай жұмысқа орналасуына жағдай жасаймыз, - дейді Серік Нұрқадыров. Оның айтуынша, 310 түлек жоғары оқу орнына түссе, 287 түлек техникалық-кәсіптік білім беру мекемелеріне түскен. Соның ішінде 30 түлек шетелдік оқу орнының студенті атанған. 112 түлек «Жұмыспен қамтудың жол картасы-2020» арқылы жеке шаруа қожалықтарына, мекеме, кәсіпорындарға жұмысқа орналасқан. 31-і әскер қатарына шақырылса, 8 түлек мамандарды қайта даярлау орталықтарында білім алуда. Сондай-ақ, 1081 түлек кәсіптік-техникалық білім беру мекемелеріне қабылданған. Ол қазіргі таңда мемлекеттік бағдарламалардың барлығы жас мамандардың жұмысқа орналасуына жағдай жасалып, кәсіпкерлерге мемлекет тарапынан жеңілдетілген несие беріліп жатқанын тілге тиек етті.           

Алматы облыстық білім басқармасы басшысының орынбасары Гүлсара Тастандықызы өз сөзінде ҰБТ-ға бармаған және тестілеуде шекті балл ала алмағандарды жұмысқа орналастыруға аса көңіл бөлініп жатқанын айтты. «Кәсіптік техникалық колледждерге қолында аттестаты бар немесе 9 сыныпты бітірген аттестаты бар балалар кәсіптік білімін жалғастыра алады. Облыста 73 колледж бар, оның ішінде 41 колледж – мемлекеттік, 32 колледж – жекеменшік. Соның 30-ға жуығы кәсіптік-техникалық білім береді. Кәсіптік-техникалық білім алам деуші жастарға есік ашық», - деді ол. Сондай-ақ, 1 қыркүйектен бастап ҰБТ-ға бармағандар мен шекті балл ала алмаған 1535 жасты оқуға қабылдау жүргізіліп, жұмысшы мамандықтарына оқытып, мәселен шаштараз және стилист секілді екі деңгейлі мамандық алып шығу жағы қарастырылып жатқанын мәлімдеді. Гүлмира Тастандықызы айтуынша, биыл Мемлекет басшысының тапсырмасымен еліміздің әр облысында облыс әкімінің гранттары бөлінген. Талдықорған қаласындағы І. Жансүгіров атындағы университетте Алматы облысы әкімінің 30 гаранты бөлінген, соның 20-сы – педагогикалық, 10-ы туризм және өлкетану саласы бойынша болмақ. Оқуға түсе алмай қалған дарынды түлектер осы гранттар арқылы оқуға мүмкіндігі бар.

Алматы облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Сәния Дүйсенбіқызы халықты жұмыспен қамтуда 29 жасқа дейінгі жастарға көп көңіл бөлінетінін, жұмысқа орналасқандардың 50 пайыздан астамы жастар екенін жеткізді. Азаматтарды жаппай оқыту арқылы жұмысқа орналастыру және жаппай кәсіпкерлікті дамыту бағытында жүйелі жұмыс жүргізуде. Қысқа мерзімді курстардан бастап 3 жылға дейінгі оқыту үрдісі қолға алынған. Қысқа мерзімді оқуға 6815 адамды тарту қажет болса, бүгінде соның 70 пайызы орындалған екен.

Сөз тізгінін алған аудандық білім бөлімінің басшысы Қуат Оңғаровтың мәліметінше 2017 жылы аудан бойынша 362 түлек бітірсе, соның 195-ы жоғарғы оқу орнына түскен. Оның ішінде 86 оқушы мемлекеттік, шетелдік грант иегері атанған. 126 түлек колледжде білім алатын болады, оның ішінде 26 грант және 97 түлек ақылы түрде білім алады. Қаратал аудандық халықты жұмыспен қамту орталығының басшысы Ақжайық Кілтбаева нәтижелі жұмыспен қамту және жаппай кәсіпкерлікті дамыту бағдарламасы шеңберінде бүгінде 1205 адам жұмыспен қамтудың белсенді шараларына, яғни 240-ы – қысқа мерзімді оқуға, 69-ы тұрақты жұмыспен қамтылғанын айтты. Ерекше айта кетерлігі, 28 адам 151 млн. теңге көлемінде жеке ісін ашу үшін микрокредит алған. Залдағы көпшілік арасынан сөз алған аудандық мәслихат депутаты Берік Абақов Алматы облысы аграрлы өңір болғандықтан жұмысшы мамандықтарына да көп көңіл бөлу қажеттігін алға тартты. Себебі, қазір мал бағатын, қызылша өсіретін, құрылысшы мамандары жетіспейді. Жастар атынан аудандық жастар ресурстық орталығының жетекшісі Нұржан Рахметқазынов кәсібін жаңа бастаған жастарға мемлекет тарапынан пайызы аз несие алуды жеңілдету жағын қарастырса деген ойын білдірді. 

Жиынды қорытындылаған «Нұр Отан» партиясы Қаратал аудандық филиалы төрағасының бірінші орынбасары Жандос Теңелбаев мамандық бойынша тәжірибенің жоқтығы мен еңбек нарығындағы біліктілік бәсекесінің аздығы жастар арасындағы жұмыссыздықтың пайда болуының басты себептері екенін айтып, мекеме басшылары, аудандық мәслихат депутаттарына жоғарғы оқу орынын бітіріп келіп, жұмыссыз отырған аудан жастарын жұмысқа орналастыруға ықпал етуге шақырды.

Асхат ӨМІРБАЕВ

Елбасы мақаласы - жастарға бағдар

Мемлекет басшысы Нұрсұлтан Назарбаевтың Қазақстан халқына жариялаған «Болашаққа бағдар: рухани жаңғыру» атты бағдарламалық мақаласын насихаттау, Елбасының жүргізіп отырған саясатын, іскерлік қабілеті мен ұшан-теңіз еңбегін жас ұрпаққа жеткізу мақсатында мамыр айының 16-жұлдызында аудан жастарымен кездесу ұйымдастырылды.

Аудан әкімі Қайрат Бисембаевтың төрағалығымен Бастөбе сервистік-техникалық колледжінде өткен жиынға «Нұр Отан» партиясы Алматы облыстық филиалы төрағасының бірінші орынбасары Ғалиасқар Сарыбаев, облыстық «Жетісу» газетінің бас редакторы Әміре Әрін, «Нұр Отан» партиясы аудандық филиалы төрағасының бірінші орынбасары Жандос Теңелбаев, облыстық, аудандық мәслихат депутаттары, өңір жастары мен бұқаралық ақпарат құралдарының өкілдері қатысты. Жиынды ашқан өңір басшысы Қайрат Әшірәліұлы Елбасының «Болашаққа бағдар: рухани жаңғыру» атты мақаласы соңғы күндерде ел өміріндегі қоғамдық-саяси маңызы зор оқиғаның бірі болғанын атап өтті. Онда Елбасы экономикалық және саяси жетістіктерімізді дамытудың рухани бағдарламасын ұсынып отырғанына тоқталды. Көпшілік алдында алғашқы сөз кезегін алған Әміре Әрін жұртшылық талай талқылаған Елбасы мақаласы - ордалы еңбектерінің табиғи жалғасы екенін алға тартады.

«Біздің эрамыздың төртінші ғасырының соңында-ақ кәрі құрлықты тұлпар тұяғының шаңына бөлеген ғұн-түріктердің тілдік экспансиясының басым түскені бар. Кейінгі Бумын бабамыз құрған Түркі қағанаты қанатын жайған тұста бұл үрдіс тіптен етек алды. Сол себепті де, латын, ағылшын, герман, парсы, славян тілдерінде түркі тілінен енген сөздер жетерлік. Бір мың жылдан астам уақыт бойына Еуразия құрлығында халықаралық тіл, яғни бүгінгі ағылшын тілінің рөлін атқарған түркі-қазақ тілінің айбыны өз сәтінде қалайша асқақтамасын.

Қазақстан халқын біртұтастыққа алып келетін латын әліпбиіне өтуіміз өрісімізді кеңейтіп, әлемдік қауымдастықтағы бет-әлпетіміздің одан әрі ажарлана түсуіне серпін берері сөзсіз. Оның үстіне жұмыр жердегі елдердің сексен пайызы еркін пайдаланып отырған әліпбиден бүгін қалыс қалсақ, ертең бізді өскелең ұрпақ түсінбей қалары хақ»,  -  дейді «Жетісу» газетінің бас редакторы. Артын ала мінбеге көтерілген Ғалиасқар Төлендіұлы қоғамдық сананы жаңғыру жөніндегі Елбасы Нұрсұлтан Әбішұлы Назарбаевтың идеясы - еліміздегі конститутциялық, экономикалық реформалардың заңды жалғасы екенін тілге тиек етіп, мақалада жаңа заман көшіне ілесіп, өркениетті ел болу үшін ұлттық сананы сақтау мен өрістетудің нақты жолдары ұсынылғанын жеткізді. Сондай-ақ өз ой-пікірін облыстық мәслихат депутаты Базархан Байтаев білдірді. Өңір жастары да Елбасы мақаласы мәні мен мазмұны, маңызы мен мағынасы қоса өріліп, өзіндік өміршеңдігін көрсеткен көлемді туынды болғанын баяндап, тарихтың толқындарын таразылаудан басталып, ұлт болмысын барынша бағамдаумен байланысып, мемлекеттік атқаруы тиіс міндеттерін межелеп берген мақала жастардың да тебіренуіне түрткі болғанын айтып, құптарлық істі бірауыздан қолдайтындарын жеткізді. Шара барысында жастар тарапынан сауалдар қойылып, тиісті жауаптар қайтарылды.

Жиынды қорытындылаған өңір басшысы:

- Бұл бағдарлама ұлтымыз үшін маңызы терең, ауқымы зор, өнегесі мол, халқымызға рухани азық болатын айтулы дүние. Бұл мақалада өткен тарихи кезеңдерге сындарлы баға беріліп, ой елегінен өткізіліп, рухани даму бағытымыз айқындалған. Ел Президенті қоғамның рухани жаңғыруына халықтың дәстүрі мен ұлттық мәдениеті негіз болуы тиіс екенін айтты. Мұндай бағытты ұстану кешегі күн мен бүгінді, бүгін мен ертеңді жалғастырады. Сондықтан біздің міндетіміз Мемлекет басшысының тапсырмасын орындай отырып, мақалада көрсетілген жобаларға басты назар аудару,  - деп атап өтті.

Альфита СЕКСЕНБАЕВА

 

 

Кварц өндірісі қарқынды

Қазіргі таңда елімізде мемлекет отандық өндіріс ошақтарын жандандырып, қазба байлықтардың ел игілігі үшін қызмет етуіне оң ықпал етіп келеді. Бұл әлбетте, жұртшылық үшін жұмыс орындары ашылып, халықтың әл-ауқатының артуына, экономиканың ілгері дамуына септігін тигізбек. Бастөбе ауылдық округінде ірге тепкен «KazSilicon» металлургиялық комбинатында кварц өндірісі қарқын алып, ісін дөңгелетіп отырған кәсіпорынның бірі.

Тарихқа көз жүгіртсек, аудандағы Сарыкөл кенішінен кварц шикізатын игеру жұмыстары сонау жетпісінші жылдан бастау алыпты. Кен орнында 1 млн. 740 мың тонна шикізат қоры бар деп есептелінген. Аталмыш кен орнынан табылған желілік кварцтың химиялық айрықша тазалығымен ерекшеленеді. Сол кезде теміржол желісі арқылы шикізат Ресейге жөнелтіліп, кварц әскери өндіріс бағытында пайдаланып, дәлдікті қажет ететін оптикалық шынылар жасау үрдісі кең етек алған екен. Тәуелсіздік алған жылдары кварц өндірісі біраз уақыт саябырсып қалғанымен, 2006 жылдан бастап қайта жандана бастайды. Алғашқыда Сарыкөл кенішінен жылына 10 мың тонна кварц өндіру жоспарланған болатын. 2011 жылы аталмыш зауыт «Қазатомөнеркәсіп» ұлттық компаниясының қолдауымен мемлекеттік арнайы бағдарлама аясында іргелі кәсіпорынға айналып, «KazSilicon» зауыты деп аталады. Осы тұста Сарыкөл кенішінен алынған кесекті кварцтан металлургиялық кремний өндіріле бастайды. Десек те, 2015 жылы қараша айында кремний өндірісі электр энергиясы құнының өсуі және әлемдік нарықта металл бағасының күрт төмендеуі салдарынан уақытша жұмысын тоқтатты. Әйтсе де, қазіргі таңда қварц өндірісі қарқын алуда. Былтырғы жылы Қарағанды, Жамбыл, Оңтүстік Қазақстан облыстарындағы зауыттармен келісім-шартқа отырып, 20 мың тонна кварц жөнелттік. Биылғы жылы да осы көлемде кварц шикізатын жөнелтуді жоспарлап отырмыз. Қазіргі таңда зауытта 80 жұмысшы, 50-ге жуық техника жұмыс жасауда. Қазылған кең теміржол, автокөлік арқылы жөнелтіледі, - дейді «KazSilicon» металлургиялық комбинатының коммерция жөніндегі директоры Жандос Нұрпазылов.

Оның айтуынша, кварц әртүрлі бағытта пайдаланады. Мәселен,  Талдықорған, Алматы, Шымкент қаласындағы кішігірім пештері бар зауыттар тапсырыс береді. Аллюминий, шойын, темір балқытатын пештердің ішін тұтастай кварцпен қаласа, тез тозбай, ұзақ жылдар қызмет етеді екен. Сондай-ақ, Қапшағай, Алматы қалаларындағы аквапарктерде бассейндегі суды тазарту үшін де пайдаланады.

- 2011 жылы «КазАтомПром» компаниясы зауытты сатып алғанда кремний өндірген болатынбыз. Қазіргі таңда өндірістік бағыттың қайта қаралуына байланысты уақытша кремний өндірісі тоқтап тұр. Бүгінгі таңда Қазақстан аумағы бойынша ірі зауыттарға кварцты шикізат ретінде жөнелтудеміз. Кремнийдің 12 маркасы болады. Сапасы жоғарғы кремнийден күн батареялары жасалады. Ол үшін кремнийдің өзін 3 рет балқыту қажет.  Кремний өндіру үшін көлемі 20-80 миллиметр болатын кварц қажет, - дейді Жандос Ертайұлы Сарыкөл кеніші жұмысымен таныстырып.

Мұнда арнайы техникалардың бірі жер бұрғылып, тау қопару жұмысына дайындық жұмысын жүргізіп жатса, кеніштің өзге жағында экскаваторлар үлкен жүк көліктеріне ұсатылған кенді тиеп жатыр екен. Тас үгіткіш техникалар кварц кенін тапсырыс берушінің тілегіне орай қажетті көлемде ұсату жұмыстарын жүргізуде. Кеш ашық әдіспен алынады. Ең алдымен жерді бұрғылап, жарылғыш зат салып, тау-тасты жарады. Кейін экскаватормен кенді қазып алады да, кварц бөлек, гранит бөлек жиналады. Сосын үккіштен өткізіледі. Адамның ақыл-ойымен басқарылатын заманауи техникалар күндіз-түні дамыл таппай, кен қазу, үгіту жұмыстармен айналысып жатыр.

Міне, Сарыкөл кенішінен алынған қазба байлық аудан экономикасының дамуына да оң ықпалын тигізуде. Зауыт басшылары кварцтың бағасы аса қымбат болмаған соң мың шақырымнан астам жерге шикізат тасымалдау тиімсіз екенін айтады. Болашақта өндірістік бағыт қайта қараудан өткен соң кремний өнідірісін қайта жолға қоюды жоспарлап отыр. Қазіргі таңда көршілес Қытай, Өзбекстан, Қырғызстан секілді көршілес мемлекеттерге кварц жеткізу бағытында келіссіздер жүргізіліп жатыр.

Асхат ӨМІРБАЕВ


Ұлы жеңіс ұмытылмайды

9 мамыр - Ұлы Жеңіс Үштөбе қаласының орталық саябағында кең көлемде тойланды. Бейбіт күннің қадірін білген жұрт осынау мәні асқақ мерекені ерекше ықыласпен атап өтті. 

Ерлік – елге мұра, ұрпаққа – ұран. Жеңіс күні арада 72 жыл өтсе де көмескіленбей, ұлы қасіреттен құтылып, қуанған халықтың жүзіндегі шаттық шырайы айқын сезіледі. Сұрапыл соғыс, қандықасап қантөгістен оралмаған әкелер мен бауырлардың орны толмас өкініш, аһ ұрған аналардың көздеріндегі ыстық жас бекер болмағанын жас ұрпақ жадында ұстаса игі. Иә, ешқашан соғыс болмасын деген, омырауы орденге толған ардагерлердің шынайы тілегі де осы. 

Әуелі аудан әкімі Қайрат Бисембаев бастаған аудан басшылары Ұлы Отан соғысының батыры, марқұм Иван Косенковтың зиратының басына барып, құрмет ретінде гүл шоқтарын қойып, рухына тағзым етті.

Үштөбе қаласының орталық саябағында жалғасын тапқан шарада соғыс және тыл ардагерлері, әскери комиссариат пен әскери және ішкі істер бөлімдерінің қызметкерлері, сондай-ақ ауған соғысы ерлерінен құралған топ қалалық саябақтағы Ұлы Отан соғысында қаза тапқан жауынгерлердің ескерткішіне гүл шоқтарын қойып, бір минуттық үнсіздік жарияланды.

Салтанатты жиында аудан әкімі Қайрат Бисембаев ел басына қара түнек күн туғанда Отан соғысының қан майданында жаужүрек аталарымыз бен әкелеріміз ерлік пен қайсарлыққа толы биік рухтарын күллі әлемге паш еткенін айта келе, аға ұрпақтың төзімділігі мен табандылығы, қайраты мен қаһармандығы және жанқиярлық еңбегінің арқасында жеңіске жеткенімізді тілге тиек етті. Сондай-ақ, аудандық қорғаныс істері жөніндегі бөлімнің басшысы Ақназар Усербаев, ауған соғысының ардагері Талғат Нұрғазин отан үшін от кешкен әкелеріміздің даңқы асқақтай берсін, тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деген тілектерін жеткізді. Аудан өнерпаздары ерлік пен елдікті дәріптеген патриоттық сарындағы әндерді әуелетті.  

Одан әрі аудан басшысы Ұлы Отан соғысының ардагерлері Тұрарбек Ахметшенов пен Шертай Шукеновтың үйіне арнайы барып, мерекемен құттықтады. Сонымен бірге ҚР Премьер-Министрі Б. Сағынтаевтың, республикалық «Нұр Отан» партиясы төрағасының бірінші орынбасары М. Құлмұхамедтің құттықтау хаттары мен облыс әкімі А. Баталовтың және К. Тоқаев атындағы қоғамдық қордың қаржылай сыйлықтарын тапсырды. Мереке соңында майдангерлер «Бақыт и К» мейрамханасында бас қосып, ғибраты мол естеліктер айтты.

Асхат  ӨМІРБАЕВ

Сквоз годы с нами говорит война

На минувшей неделе в преддверии 9 мая на базе средней школы имени Кемеля Токаева одноименным частным благотворительным фондом был проведен патриотический праздник с учащимися школы, посвященный Великой Победе «Сквозь годы с нами говорит война».

Хотелось бы особо отметить, что благотворительный фонд, носящий имя нашего великого воина-земляка Кемеля Токаева, каждый год вот уже на протяжении многих лет чтит память ветеранов Великой Отечественной войны, прививает молодому поколению чувство патриотизма и долга, бесконечной признательности героям кровопролитных сражений за мир.

С 72-ой годовщиной победы над фашистской Германией поздравила присутствующих на празднике гостей представитель ЧФ «Благотворительного фонда имени Кемеля Токаева» Валентина Спиридонова. Представитель фонда под громкие овации наградила учащихся – победителей ряда конкурсов, прошедших в преддверии праздника:  рисунков на асфальте «Мы забывать не вправе»; инсценированной песни «И подвиг, и память, и песня»; военно-спортивной эстафеты «Победа»; презентации «Дорогами войны», посвященной памяти Кемеля Токаева. Памятными призами и ценными подарками награждались победители как индивидуальных конкурсов, так и групповых. Были отмечены благодарностью и педагоги школы, принимавшие активное участие в работе фонда.

Песни военных лет ностальгией отзывались в сердце каждого участника торжества. А вальс юношей и девушек в военной форме позволил до невозможности глубоко погрузиться в атмосферу того времени, времени, когда война легла жестоким отпечатком на судьбу каждого жителя необъятного Советского Союза. Стихотворения, которые читали школьники, вызывали и слезы, и невероятную гордость за то, что народ не согнулся под гнетом иноземных захватчиков, и ценой собственных жизней отвоевал мир будущим поколениям. А из зала будто бы с гордостью  живыми взорами смотрели на дань памяти портреты бессмертного полка ветеранов, которые держал в руках каждый школьник, как бы негласно говоря: «Мы не забудем, мы ценим, мы благодарим…».

Наталья ЭЙБАУЭР

Біздің журнал

FacebookTwitterMixxVimeo

Күнтізбе

« Сәуір 2018 »
Дс Сс Ср Бс Жм Сб Жк
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30