«Алаш» әдеби сыйлығының иегері атанды

 

   Қазақстан Жазушылар одағы секретариатының шешімімен еліміздегі бір топ қаламгерлерге «Алаш» әдеби сыйлығы берілді. Солардың қатарында жерлесіміз, Жазушылар және Журналистер  одағының мүшесі, «Қаратал ауданының құрметті азаматы»  ақын Әміре ӘРІН де бар. 

 

 

 

 Журналистика саласында ғана емес, өлең өлкесінде өзіндік сүрлеу салған ақынның «Тамызық», «Маздақ» атты өлеңдер жинағын қараталдықтар жақсы біледі. Жырлары облыстық, республикалық мүшәраларында топ жарып, тарлан таланттың танылуына ықпал етті. Тәуелсіздік жылдары жарық көрген «Тылсым тыныс» деректі повесі мен «Кенен жерім – Көксуым» секілді көсемсөз жанрында қалам тербеген еңбектері, «Ауғанның от жалыны» тақырыбындағы зерттеуі, «Томирис» атты прозалық шығармалары өз оқырманын тапты.

   Бүгінде облыстық «Жетісу» газетінің редакторы қызметін атқарып жүрген құрметті жерлесіміз Әміре Әрінді Халықаралық «Алаш» әдеби сыйлығының иегері атанумен шын жүректен құттықтаймыз! Қаламы қарымды қаламгерге шығармашылықтың шыңына жетіп, алар асуларыңыз көп болсын деп тілек айтамыз.

«Қараталдықтар»  

     

 

Қаратал жұлдызы -2017

 

Сәуір айының 14-жұлдызында аудандық мәдениет үйінің ұйытқы болуымен «Қаратал жұлдыздары-2017» атты балалар шығармашылығы байқауы өтті. Балалар шығармашылығын дамыту, өскелең ұрпаққа музыкалық-эстетикалық тәрбие беру, жас таланттарды насихаттау мақсатында ұйымдастырылған сайысқа 40-қа жуық өнерпаз бен 4 би тобы қатысты.


Байқаудың іріктеу кезеңінен сүрінбей өткен жас таланттар ақтық сында бақ сынап, шара шартына сәйкес эстрадалық ән және би жанры бойынша екі нөмерден өнер көрсетті. Дәстүрлі түрде өтетін сайыста аудандық мәдениет үйінің халықтық «Қыздар» вокалдық тобының көркемдік жетекшісі Н. Ким, балалар шығармашылығы орталығының директоры Ж. Тұтқабеков, аудандық мәдениет үйінің көркемдік жетекшісі, сүйемелдеуші Г. Гилева және аудандық мәдениет үйінің үлгілі «Алтынай» би ансамблінің көркемдік жетекшісі А. Нұрпейісова қатысушылардың өнерлерін бағалады. Өңіріміздің өнері мен мәдениетіне зор үлес қосып жүрген аудандық мәдениет үйінің қызметкері Э. Жантерімованың ерекше жүргізуімен өткен шығармашылық байқау барысында қазылар тарапынан қатысушылардың таңдаған репертуарларымен қатар, орындаушылық шеберліктері, сахнада өзін ұстау мәдениеті ескерілді. Бәсекелі сынақта «Эстрадалық ән айту» жанры бойынша А. Омарова (А. Байтұрсынов ОМ), жеке бишілер арасынан А. Тохтахунова (Қошқарбаев ОМ) және топтық биден «Гүлдер» бишілер тобы (Қошқарбаев ОМ) топ жарып, I орынға ие болды. Б. Рамазан (М. Горький ОМ) «Эстрадалық ән айту» номинациясы, К. Фишер (Қошқарбаев ОМ) жеке би, топтық биден «Шұғыла» би тобы үздік шығып, II орыннан көрінді. Ал Е. Қуания (Панфилов ОМ) «Эстрадалық ән айту» бойынша, жеке бишілерден А. Сейтнурова (№ 51 мектеп гимназиясы), топтық биден «Гүлдер» бишілер тобы (Қошқарбаев ОМ) III орынға қол жеткізді. Жүзден жүйрік шыққан талант иелері арнайы дипломдармен марапатталып, сый-сияпатқа ие болды. Өзге де қатысушыларға алғыс хаттар мен ынталандыру сыйлықтары табыс етілді.

А. СЕКСЕНБАЕВА

Чудесная ярмарка лучших работ

В минувшую пятницу в Каратальском районном центре дневного пребывания для детей с ограниченными возможностями было необычайно весело и людно. В рамках социально значимого проекта «Кедергісіз келешек» - «Будущее без барьеров» там прошла благотворительная выставка-ярмарка с распродажей изделий, поделок детей с ограниченными возможностями.

Стоит отметить, что проект под эгидой партии «Нур Отан» нацелен на социальную поддержку граждан с ограниченными возможностями, содействие их занятости, самореализации, раскрытию творческих, интеллектуальных способностей. Подключились к благотворительной ярмарке, выставив на аукцион свои ручные работы, и общественное объединение «Алпамыс» во главе с руководителем Евдокией Ли. На празднике присутствовали почетные гости: глава Каратальского района, руководители и представители местных отделов, организаций и предприятий.

Обращаясь к собравшимся, аким района Кайрат Бисембаев отметил: «Своим творчеством дети с особым мировосприятием не только показывают определенные достижения, но и пропагандируют национальную культуру, ремесло, тем самым, способствуя укреплению национальных ценностей, духовности. Это является главными идеями программной статьи Главы государства «Взгляд в будущее: модернизация общественного сознания».

Педагоги центра дневного пребывания вместе со своими подопечными представили на выставке замечательные вазы из бисера, корзины из  обычных газетных страниц, чудных лебедей по технологии оригами и из атласной ленты, цветы из гофрированной бумаги, интересные картины, написанные в национальном колорите:, «Жайлау», «Пейзаж», «Натюрморт», «Алтын адам», портрет «Батыр Алия». Не отставали и диковиные, сделанные с душой алпамысовцами пестрые подушки, вязаные шали, накидки, носки, косынки, яркие одеяла-корпе.

Любой желающий мог приобрести за вполне приемлемую цену не только картину или сувенир, но и сладкие лакомства, разнообразную выпечку. Кто-то оставлял приобретения себе на память, но большинство благородно жертвовали работы в фонд музея, который, по словам заведующей центра Ирины Байгазаковой, планируется открыть в ближайшее время и выставлять там лучшие работы детей.

На вопрос о том, как планируется использовать вырученные средства, Е. Ли, к примеру ответила, что планирует заработанные деньги потратить на благоустройство своего офиса и озеленение прилегающей территории, а И. Байгазакова – на нужды детей. Так или иначе практически все было раскуплено, а за особо понравившимися работами стояли даже в очереди.

Н. ЭЙБАУЭР

Әңгіме өзегі - рухани жаңғыру

 

   Сәуір айының 18 күні аудан әкімдігінің мәжіліс залында аудан әкімі   Қайрат Бисембаевтың төралығымен Елбасының «Болашаққа бағдар: рухани жаңғыру» атты мақаласын талқылау мақсатында аудан активі өтті.  Келелі басқосуға партия филиалы төрағасының бірінші орынбасары Ж. Теңелбаев, ауданның бөлім, мекеме басшылары, құқық қорғау органдары, мемлекеттік емес ұйымдар өкілдері, «Жас Отан» жастар қанатының мүшелері,  аудан тұрғындары қатысты. 


 

Алқалы жиында мақаланың негізгі бағыттары кеңінен талқыланды. Аудан әкімінің орынбасары Күлпаш Байтаева баяндама жасап, еліміздің саяси өміріндегі елеулі оқиға турасында ой қозғады. Биылғы жылдан бастап жаһандық бәсекеге қабілеттілікке қол жеткізуге бағытталған еліміздің Үшінші жаңғыруын іске асыруға кіріскенін, басты мақсат – Ұлт жоспарын орындау аясында әлемнің ең озық 30 елінің қатарына кіру болып табылатынын тілге тиек етті. Еліміздің жүйелі әрі дәйекті эволюциялық дамуына бағытталған мемлекеттік саясаттың өзара байланысы мен сабақтастығын көрсеткен мақалада қазіргі таңда Қазақстанның Үшінші жаңғыруын іске асыру аясында саяси реформа, экономикалық өсімнің жаңа моделін құру және рухани жаңғыру сияқты үш жаңғыру үдерісі жүзеге асырылатыны айтылды. Баяндамашы өз сөзінде Елбасы Н. Назарбаевтың біздің ұлттық кодымыздағы прагматизмнің бар екендігіне дәлме-дәл негіздеме беріп, мемлекет басшысының ұлттық рух туралы ұсынған тезисі Ұлы Дала елін дамытудың басты қозғаушы күшіне айналдыруды мақсат тұтқанын атап өтті. Мақала ауданның атқару органдарының жұмысын жандандыру, мемлекеттік қызметкерлердің әдеп кодексін ұқыпты ұстануы, ұлттық сана-сезім көкжиегін кеңейту, өнімді еңбектің ауданымызда жүзеге асуына тың серпін беретінін жеткізді.   

 

  Сөз тізгінін алған қаламгер-журналист Қараша Қараман мақаланың екінші тарауы «Таяу жылдардағы міндеттері» жайлы айта келіп,  бұл іс-қимыл жоспары бірінші кезекте Қазақстанның алдағы ұзақ жылдардағы дамуын айқындайтын стратегиялық сипатқа ие болатынын мәлімдеді. Әсіресе, қазақ жазуының латын әліпбиіне кезең-кезеңмен көшіру мәселесі аса қажетті, ана тіліміздің өркендеуіне тың жол ашатынына баса назар аударды. Елбасы  Нұрсұлтан Назарбаевтың басшылығымен өркендеп жатқан тәуелсіз мемлекетімізді жаһандық деңгейде дамуына жол ашатын латын әліпбиіне көшудің керемет жағдайы туып отығанын айтты.

-  Өз басым тіл жаншыры болғандықтан, латын әрпіне көшуді қос қолдап қолдаймын, - деді қаламгер Қараш Қонысұлы. - Біз назар аударып отырған екінші жоба «Қазақстанның рухани жәдігерлері». Мәдениет саласы материалдық және рухани құндылықтардан тұратыны өздеріңізге мәлім. Қаратал ауданында Ақылбай, Дауылбай шоқысы секілді тарихи орындарымыз бар, соны туристік-танымдық бағытта жаңдандырылсақ жөн болар еді.

  Сонымен бірге «Славян» этно мәдени орталығының жетекшісі В.Спиридонова, «Бастау» газетінің бас редакторы С.Даркенбаева, М. Горький атындағы орта мектебінің тарих пәнінің мұғалімі Б. Есболатов Елбасы мақаласына қатысты өз ойларымен бөлісті. Басқосу соңында аудан басшысы Қ. Бисембаев қазіргі заманның талабына сәйкес жаңғыру барлық елде болатынын, сондықтан біз жаңа үрдістерден қалмай заман ағымымен дамудың даңғыл жолымен жүруіміз қажет екендігін айтты. 

А. Өмірбаев

Корей елшілерін қабылдады

 

 

   22 наурыз – Ұлыстың ұлы күні аудан әкімі Қайрат Бисембаев жеке кабинетінде Оңтүстік Кореядан келген бір топ делегация өкілдерін қабылдады.  Қиыр шығыстан келген қадірлі меймандар Наурыз тойы тамашалап, үлкен әсер алды.


Емен-жарқын  делегация өкілі, Чонсон уезі мэрінің орынбасары Шин Джу Хо мырза бұл жолғы іссапардың мақсаты – Қазақстан корейлерінің депортацияға ұшырауына 80 жыл толуына арналған іс-шара жоспарын талқылау әрі Наурыз мерекесіне арнайы келіп, жергілікті халықтың салт-дәстүрімен етене танысу екенін мәлімдеді.

Кәріс ұлты өкілдерінің қасиетті Қаратал топырағына табан тіреуі бекер емес. Сонау ХХ ғасырдың 30 жылдары репрессия кезінде Қаратал жеріне Қиыр шығыстан кәріс ағайындар отбасымен бірге күштеп қоныс аударылған болатын. Сол кезде өзі аштық пен қуғындаудан көз ашпаған қазақ халқы осынау қиын-қыстау кезеңде жат жерліктерді бауырына басып, бір үзім нанымен бөлісіп, екі бөлмесінің бірін босатып беріп, паналатқан еді. Бұл жанарға жас іркілтер жақсылықты ұмытпаған кәріс ұлтының өкілдері Үштөбеге жиі келіп, осындағы қандас бауыр-ларымен қарым-қатынас жасап тұрады. Ал тумысынан қонақжай әрі мейірбан қазақ жұртының құрметіне «Қазақ халқына мың алғыс» атты ескерткіш те орнатты.

Чонсон уезі мэрінің орынбасары  Шин Джу Хо мырза жылы жүздесу үшін алғысын білдіріп, наурыз мерекесіне шақырғанның өзі үлкен мәртебе екенін айтты. «Қазақстанда кәріс диаспорасы емін-еркін, бақ-қуатты өмір сүріп жатқанын жақсы білеміз, өзім Қазақстанға алғаш рет келсем де, өз отанына келгендей сезінемін. Қос мемлекеттің арасы қанша алыс болса да, осындай жылы қабылдаулар халықтар арасын жақындатады» деді. Корейден келген қонақтар «Қазақстан корейлерінің депортацияға ұшырауына 80 жылдығына іс-шараға концерттік бағдарламамен келуге бола ма?» деген сауалына аудан әкімі Қайрат Әшірәліұлы: «Әрине, келуге рұқсат және келуге міндеттісіздер» деп көңілдерін бір марқайтып тастады. 

Чонсон мэрінің ынтымақтастық жөніндегі бөлім бастығы Ким Су Бок, бөлім бастығы Со Гон Хви, Чонсон уезінің кеңсе бөлімінің қызметкері Чхве Сын Чжа, «Ариранг» бөлімінің қызметкері До Сан Хви, «Ариранг» музейінің директоры Чин Ен Сон екі ел арасындағы ықпалдастық пен мәдени, тарихи байланыстардың тамыры тереңде жатқанына баса назар аударды. Делегация өкілдері аудан басшыларына 2018 жылы Пхенчанда өтетін Олимпиада ойындары тақырыбында жасалған сый-кәделерді табыстады. «Орамал тон болмайды, жол болады» деген ниетпен қараталдықтар да қонақтарға ұлттық кәдесыйлардан  тарту-таралғы жасады. Осыдан кейін қадірлі қонақтар алаңда өткен наурыз мерекесін тамашалады.

 

А. Бақытұлы

 

Біздің журнал

FacebookTwitterMixxVimeo

Күнтізбе

« Қараша 2017 »
Дс Сс Ср Бс Жм Сб Жк
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30