Алматы облысында идеологтар слеті өтті

Елбасының «Болашаққа бағдар: рухани жаңғыру» мақаласы аясында Талдықорған қаласында идеологтар слеті өтті. Шараға аудандық ішкі саясат басқармасы мен өзге облыстардың білікті мамандары қатысты.      

Облыстық ішкі саясат басқармасы мен аудандық бөлімдердің жұмысы бірнеше бағыт бойынша бағаланды. Ол ең бірінші«рухани жаңғыру» бағдарламасы аясында атқарылған іс-шаралар болса, екіншісі үкіметтік емес ұйымдарға айрықша мән берілуі. Алматы облысында «рухани жаңғыру» бойынша 300-ден астам іс-шара өткізіліп, оған 800 мыңға жуық халық тартылды. Жүзеге асқан жобалардың көбі ақпарат,өлкетану, туризм салаларын және адами ресурстарды дамытуға бағытталды.

«Елбасының бағдарламалық мақаласының басты мақсаты мен маңызын толық түсіне отырып, әртүрлі бағыттағы шаралар өз нәтижесін көрсетті. Сондай шаралардың бірі «Патриот.кз» спорттық реалити-шоуы жастардың үлкен қолдауына ие болып, жарты миллинон көрерменнің оң бағасын алды. Сол сияқты 25 мыңнан астам оқушы мен студент Жетісу өлкесінің киелі жерлеріне саяхат жасады. Өңірде алғаш рет ҮЕҰ  жетекшілері басқосып, форум өткізді. БАҚ өкілдері арасында "Самғау" журналистер премиясы тағайындалып, ақпарат саласының қызметкерлері қомақты ақшалай сыйақымен марапатталды», - деді Алматы облысының ішкі саясат басқармасының басшысы Рустам Алпысбаев. 

            Жиында сонымен қатар Батыс Қазақстан облысының ішкі саясат басқармасының басшысы Бақытжан Нарымбетовте өз пікірін білдірді.

-Алматы облысы - әлеуметтік-экономикалық, мәдени және әлеуметтік-саяси тұрғыдан белсенді аймақтардың бірі. Бүгінгі жиынға келудегі мақсат өзара тәжірибе алмасып,өңірде  жүзеге асып жатқан үздік жобалармен жан- жақты танысу,-деді ол.

Сондай-ақ жиында 57 нысаннан тұратын қасиетті орындардың өңірлік сызбасыдайындалғаны және оның14 нысаны республикалық картаға енгізілгені айтылды.

Кездесу соңында қатысушыларға атқарған еңбектері үшін арнайы алғыс хаттар табыс етілді.

 

Алматы облысының Халыққа қызмет көрсету орталығы 3 миллионнан астам қызмет көрсетті

 

Көрсетілген қызметтің 2 миллионнан астамы электронды форматта, яғни жалпы көрсетілген құжаттың 71%-ын құрап отыр. Бұл туралы Өңірлік коммуникациялар қызметі алаңында Халыққа қызмет көрсету орталығы  департаментінің директор орынбасары Иманғалиев Саматбаяндады.

Азаматтардың компьютерлік сауаттылығын арттырып, электрондық үкімет порталын танымалдандыру мақсатында өзіне-өзі қызмет көрсету «Connection point» секторы арқылы 1 млн астам қызмет көрсетілген, сонын ішінде 339505 электрондық цифрлық қолтаңба берілді. Аталған электрондық цифрлық қолтаңбаларды пайдалану арқылы азаматтардың халыққа қызмет көрсету орталықтарына жүгінбей-ақ, мемлекеттік қызметтерді үйінде немесе жұмыс орнында отырып алуына мүмкіншіліктері бар.

«Бүгінде біз мемлекеттік қызметтерді алу үшін барынша қолайлы жағдай жасап, оларды оңтайландырып, автоматтандыру мүмкіндіктерін қолданудамыз. Осылайша, әрбір бөлімде азаматтар өз бетінше электрондық анықтамаларды алып, баланы балабақша кезегіне қойып, айыппұлдар мен баж салықтарын төлей алатын өз өзіне қызмет көрсету секторлары жұмыс істеуде. Ол үшін электрондық цифрлық қолтанба болса болды», - деді С.Иманғалиев.

Сондай-ақ, I – II топтағы мүмкіндігі шектеулі жандарға кедергісіз мемлекеттік қызметтерді алуына қолайлы жағдайлар жасалынған. Атап айтсақ, Алматы облысында 28 730 мүмкіндігі шектеулі азаматтар тіркелген. 2017 жылдың 11 айында Бірыңғай байланыс 1414 орталығына 3164 өтініш түсіп, 3546 мемелкеттік қызмет мүмкіндігі шектеулі жандарға үйіне шығу арқылы көрсетілді. Бұған қоса, есту және сөйлеу қабілеті нашар мүмкіндігі шектеулі жандарға мемлекеттік қызметтерді кедергісіз көрсету үшін, аудандық және қалалық ХҚКО бөлімдерінде 86 қызметкер ымдау тіліне оқытылды. Сондай-ақ, аталған бөлімдерде мүмкіндігі шектеулі жандарға мемлекеттік қызметтерді көрсету үшін арнайы жұмыс орындары бөлініп, есту және сөйлеу қабілеті нашар адамдарға  қосалқы монитор арқылы онлайн режимінде аударма жасалынып тұрады.

Қорытындылай келе, ағымдағы жылдың 11 айында мобильдік ХҚКОоблыстағы аудан орталықтарынан шалғай орналасқан 90 елді мекенге барып, 37 267 қызмет көрсеткен.

 

41 МЫҢ ТОННА ҚЫЗЫЛША ЖИНАЛДЫ

Күзгі жиын-терім

 

Ауданда егін жинау жұмыстары өз мәресіне жетті. Жыл өткен сайын егістік көлемінен алынатын өнім көлемі артып, диқандар бейнетті еңбегінің зейнетін көруде. Әсіресе, қант қызылшасын өсірген  ауыл еңбеккерлерінің мерейі үстем.

Биылғы жылы аудан бойынша 1100 гектар жерге тәтті түбір егілген болатын. Диқандар көктемде еккен егінін күтіп-баптап, ала жаздай бел жазбай еңбек етті. Шүкір, еселі еңбек еш кеткен жоқ. Шүмектеп аққан маңдай тердің өтеуін күзде алынған мол өнімнен-ақ байқауға болады. Нақтырақ айтсақ, ауданда 41 мың тонна астық жиналып, гектар берекелігі 388 центнерден айналды. Балтамыр егілген сегіз қала, ауылдық округ шаруалары әр күнді қалт жібермей сәтті пайдаланып, егінді шашау шығармай жинап алды. Алынған өнім көліктерге тиеліп, «Көксу» қант зауытына жөнелтілді. Аудандағы қызылша өсіруде алпауыт саналатын Жолбарыс батыр ауылдық округінің шаруалары 602 гектарға дән егіп, әр гектары 445,6 центнерді құрап, 26822 тонна өнім жинады.  Айту би ауылдық округі еккен 207 гектар қант қызылшасы тегістей жиналып, 5796 тонна астық алынды. Бастөбе, Елтай, Ескелді ауылдық округтерінен алынған қызылшаның орташа өнімділігі 350-370 центнерді құрады.

Ерекше айта кетерлігі, Балпық ауылдық округіне қарасты «Орлёнок» шаруа қожалығы 12 гектар жерге қызылша егіп, 967 тонна өнім жиналып, гектар өнімділігі 805,8 центнерге жетіп, аудан үшін рекордтық көрсеткішке қол жеткізді. Ринат Төлеубеков басшылық жасайтын аталмыш шаруа қожалығы егістік жерді игеруде жаңа технологияларды тиімді пайдаланып, мол табысқа жетіп отыр.

Жалпы қызылша ғана емес, өзге де өнім түрлерінен өсім қарқыны байқалады.  Мәселен, аудан бойынша егілген 1068 гектар жерден  8224 тонна жүгері жиналып, әр гектарға шаққандағы өнім 77 центнерді құрады. Тастөбе ауылдық округінің шаруалары 338 гектар жерге еккен жүгеріден 3817 тонна өнім алса, Айту би ауылдық округінің диқандары 270 гектар жерден 1769,2 тонна астық жинады. Аудан бойынша 1120 гектар жерге картоп егіліп, алынған өнім 22019 тоннаға жетіп, 196,6 центнерді құраған. Сондай-ақ, 505 гектар жерге дән себіліп, 20674 тонна бақша дақылдары алынып, өнімділік 409,4 центнерге жеткен. Көкөніс өнімі де көңіл көншітерліктей. Айталық, 1722 гектар алқапқа егілген көкөністен  50850 тонна астық жиналып, өнімділік көрсеткіші 295,3 центнерді құрады.

Айта кетерлік жайт, аудан бойынша 15 коопертив құрылып, құжаттары толық рәсімделіп, әділет басқармасынан өтті.  Нақтырақ айтсақ, шаруа қожалықтары – 6, үй шаруашылығы бойынша 9 кооператив жұмыстарын бастап кетті.

Диқандар мемлекет тарапынан беріліп жатқан жеңілдіктерді ұтымды пайдаланып келеді. Биылғы жылы ауыл шаруашылығы дақылдарына пайдаланған гербицидтерді субсидиялауға 89 шаруа қожалықтарының құжаттары қабылданып, 12,4 миллион теңгеге облыстық ауыл шарушылығы басқармасына өткізіліп, тиісті қаражаттарын алды.

Осылайша, аудан диқандары қара жерден мол өнім жинап, зор табысқа кенелді. Еңбек еткеннің еңсесі биік, көңілі шат болды.

А. ӨМІРБАЕВ

НАҒЫЗ ҚАЗАҚ – ДОМБЫРА

 

Мемлекет басшысы Н. Назарбаевтың еліміздің қайта түлеуіне бағытталған «Болашаққа бағдар: рухани жаңғыру» атты бағдарламалық мақаласы аясында аудандық мәдениет үйінде «Нағыз қазақ - домбыра» атты дәстүрлі ән мен күй байқауының ақтық кезеңі өтті.

Ауданда дәстүрлі ән мен күй мектебін қалыптастыру және ұлттық музыкалық мұрамызды насихаттау, оны ұрпаққа жеткізу, жастарды өнерге баулу, шеберліктерін шыңдау мақсатын көздеген сайысқа 14 үміткер қатысты.

Жасөспірімдер арасында дәстүрлі ән жанры бойынша бас жүлдені Жаңаталап орта мектебінің оқушысы Ерасыл Қадыров жеңіп алды.

Үлкендер қатарынан Қызылбалық ауылдық округінің үміткері Жасұлан Ізтілеуов бас жүлдені иеленсе, Ануар Ертай І орынға қол жеткізді. ІІ орын тұғырынан Асылхан Сансызбаев және Құрмаш Керімбаев көрінді. ІІІ орын Ерсін Бақытәлі мен Гүлжанат Қасымбаеваға бұйырды. Қатысушылар қатарындағы жасы үлкен үміткер Сұлтан Рақышев ақсақал «Нұр Отан» партиясының марапаты мен Облыстық халық шығармашылығының сый-сияпатына ие болды. Күй жанрына келсек, жасөспірімдер арасында арнайы дипломмен Асылжан Ролланқызы (БШО), Мәдеш Әлиян (Жылыбұлақ орта мектебі) марапатталды.

І орын тұғырынан М. Горький атындағы орта мектебінің оқушысы Әділет Тұрсынбеков көрінсе, ІІ орынды Қ. Байсеитов атындағы орта мектебінің оқушысы Ержанат Берікболов иеленді. ІІІ орынға БШО-ның оқушысы Әдия Қарлық қол жеткізді, ал үлкендер арасында Аян Ерболатқа бұйырды. Жеңімпаздар арнайы диплом және сыйлықтармен марапатталды.

«Қаратал-ақпарат»

ҚАРАТАЛДЫҚТАРҒА РУХ БЕРДІ

«Рухани керуен» шарасы

 

Елбасы Нұрсұлтан Назарбаевтың «Болашаққа бағдар: рухани жаңғыру» мақаласында айтылған айрықша міндеттерді, маңызды бағдарламалар мен берері мол жобаларды халыққа жеткізу мақсатында Алматы облыстық Дін істері басқармасының ұйымдастыруымен «Рухани жаңғыру» бағдарламасы аясында Жетісу өңірінің орталығынан бастау алған «Рухани керуен» қасиетті Қаратал өңіріне атбасын бұрды. Жоба негізінде арнайы құрылған жұмыс тобы қараша айының 9 күні ауданымызда болып, бір күннің ішінде 15 іс-шара өткізді. Құрметті қонақтардың қатарында Алматы облыстық дін істері басқармасының басшысы Р. Есдаулетов, облыстық «Жетісу» газетінің бас редакторы Әміре Әрін, Алматы облысының «Құрметті азаматы», «Тақиялы періште» фильмінде Тайлақтың рөлін сомдаған Әлімғазы Райымбеков, ақын, сазгер Қамнұр Тәлімов, Олимпиада ойындарының жүлдегері, балуан Нұрбақыт Теңізбаев, сонымен қатар Алматы облыстық дін істері басқармасы өкілдері, облыстық жастар ресурстық орталығы, жұмыспен қамту және әлеуметтік бағдарламалар басқармасы, қоғамдық денсалықты сақтау департаментінің өкілдері, облыстық бұқаралық ақпарат өкілдерінің басшылары, бұқаралық ақпарат құралдары мен байланыс және ақпараттық түсіндіру жұмысын  ұйымдастыру бөлімі, оңалту және кеңесшілік бөлімі және тағы басқа сала өкілдері мен елімізге танымал басқа да азаматтар бар.

«Рухани керуен» мүшелері ең алдымен Ескелді баба кесенесіне барып, батыр рухына зиярат етті. Кездесуде кесене шырақшысы Бақберген Жүнісбаев бабаның ел мен жерді қамын ойлаған, елдің татулығы мен бірлігіне сіңірген еңбегі жайында сөз қозғады. Үштөбе қаласының имамы Ерік Бөлекбаев әулие баба рухына арнап құран оқыды. Осыдан соң көпшілік орталық алаңға бет бұрды. Аудан әкімі Қайрат Бисембаев делегация өкілдеріне «Рухани жаңғыру» аясында әзірленіп, өңірдің мәдени-рухани тыныс-тіршілігінен сыр шертетін көрмені көрсетті. Қонақтар алаңда тігілген ақ шаңқан киіз үйлердің төріне еніп, қазақтың салт-дәстүрлері мен әдеп ғұрыптары дәріптеліп, сөрелерден орын алған аудан өнерпаздарының қолынан шыққан өнер туындыларын тамашалады. Сондай-ақ, іс-шара аясында Ұлы Отан соғысы ардагерлеріне арналған ескерткішке гүл шоқтары қойылды. Артын ала аудан әкімдігінің үлкен мәжіліс залында аудан активімен кездесу өтті.

Аудан әкімі Қ. Бисембаев төрағалық еткен келелі кездесуде облыстық дін істері басқармасы ұйымдастырған «Рухани керуен» жобасы қазақ халқының дәстүрлі мәдениетін ілгерілету, дінімізді насихаттау, рухани құндылықтарды жеткізу, деструктивті діни ағымдарға қарсы күресу, тұрғындардың санасын жаңғырту және туған жерге деген сүйіспеншілігін арттыру мақсатында ұйымдастырылғаны айтылып,  алдағы жұмыстың мән-жайы түсіндірілді. Кездесуден соң қаламыздағы М. Горький атындағы орта мектебінің базасында ақын, сазгер, Талғар ауданының «Құрметті азаматы» Қ. Тәлімов пен облыстық «Жетісу» телеарнасының журналисі Ж. Жайлаубаевтың қатысуымен «Қаратал әулиелер мекені» атты конференция өтті. Оған мәдениет және кітапхана қызметкерлері, аудан мектептері директорларының тәрбие ісі жөніндегі орынбасарлары, тарих, әдебиет, өнер пәндерінің мұғалімдері мен жоғары сынып оқушылары қатысты. Шара барысында ата-баба дәстүрі рухани мәдениетті дамыту, дәстүрлі діни құндылықтарды жаңғырту, туған өлкені қадір тұту, Отанға деген сүйіспеншілік сезімдерді арттыру жайлы маңызды мәселелер көтеріліп, тағылымды ойлар айтылды. Ал аудандық мәдениет үйінде білікті дінтанушы ғалымдардың қатысуымен «Ақпараттық түсіндіру жұмысы – діни сауаттылықты арттырып, рухани байлығымызды дәріптейді» айдарымен дөңгелек үстел ұйымдастырылды.

Оған БАҚ-мен байланыс және ақпараттық түсіндіру жұмысын ұйымдастыру бөлімінің басшысы Айгүл Әлі, «Ұлы мұра» қорының директоры, дінтанушы, заңгер Тимур Нүсіпханов және ақпараттық түсіндіру тобы бас қосты. Басқосуда бүгінгі күннің өзекті мәселесі –  деструктивті діни ағымдардың алдын алу, бөгде бағыттағы жастармен оңалту жұмыстарын жүйелі түрде жүргізу мәселесі қозғалды. «Рухани жаңғыру: ел ертеңінің бастауы» айдарында жастардың патриоттық, ұлттық санасын ояту мақсатында зиялы қауым өкілдерімен өрбіген сұхбат А. Пушкин атындағы орта мектебінің базасында өтті. Оған ерікті, маригиналды жастар қатысты. «Рухани жаңғыру: жарқын істердің бастамасы» тақырыбында деструктивке шалдыққан отбасы мүшелерін қоғамға бейімдеу бойынша әлеуметтік мәселелерін шешу жолдарын қарастыру мақсатындағы кездесу аудан жұртшылығының қатысуымен аудандық халыққа қызмет көрсету орталығында ұйымдастырылды. Әр жерде сан алуан тақырып көтерілген кездесулер ұйымдастырылып жатқан уақытта аудандық орталық ауруханада «Денсаулық - болашақ кепілі!» тақырыбында діни себептермен екпе, қан құюдан бас тартқан азаматтармен тиісті жұмыстар жүргізілсе, орталықтағы «Жетісу» базарының аумағында «Рухани жаңғыру: туған жер – алтын бесік» тақырыбында сурет және кітап көрмесі ұйымдастырылып, жергілікті халыққа флаерлер, үлестірме қағаздары таратылды. Сондай-ақ аудан әкімдігінің кіші мәжіліс залында аудан, қала, ауыл округтерінің ардагерлер ұйымы, Қоғамдық келісім кеңестері, Аналар кеңестері мүшелері, ҮЕҰ, ЭМБ, Саяси партиялар жетекшілерінің қатысуымен «Ұлттық рух рухани жаңғырудың негізі» тақы-рыбында және «Дінаралық татулық – болашаққа нық қадам» айдарында діни бірлестік жетекші-лерімен кездесу өтті. Деструктивті діни ағым ықпалына түскен азаматтармен оңалту жұмыстары қала әкімдігінің мәжіліс залында жүргізілді. Ал № 13 орта мектебінің базасында «Қазақ халқының ұлттық дәстүрлеріне және мәдени мұрасына сәйкес сананы қалыптастыру» тақырыбында балалар мен жастарды отбасылық құндылықтар рухында тәрбиелеуге бағыттай отыра, жат ағымнан, теріс пиғылды іс-әрекеттерден сақтаудағы «Аналардың рөлі» атты кездесу болды. Түстен кейін Б. Римова атындағы орта мектеп-гимназиясының спорт залында «Дін бірлігі – ел тұтастығының кепілі!» деген атпен діни бірлестік жетекшілерімен спорттық жарыс өтті. Аудандық денешынықтыру және спорт бөлімі бастығының міндетін атқарушы Ә. Забиев сайысқа қатысушыларға ақ жол тіледі. Жарысқа құрметті қонақ ретінде Олимпиада ойындарының жүлдегері, балуан Нұрбақыт Теңізбаев қатысты. Волейбол жарысы өте тартысты өтіп, жанкүйерлер қызу қолдап отырды. Нәтижесінде 1 орынды Үштөбе қаласының мешіт жамағаты командасы жеңіп алды. 2 орынды «Надежда» діни бірлестік ұйымы командасы иеленсе, 3 орынға Алматы облыстық дін мәселелерін зерттеу орталығының өкілдері табан тіреді. Шараны қорытындылай аудандық мәдениет үйінде өткен кездесуде аудан әкімінің орынбасары Қайрат Қасымов осы күні «Рухани керуен» шарасы барысында өткізілген 15 шараға ауданнан 1000-нан астам адам қатысып, белсенділік танытқанын атап өтті. Ол «Рухани жаңғыру» бағдарламасы аясында өңірге келіп, жұртшылық арасына кеңінен түсіндіру жұмыстарын жүргізген облыстық делегация өкілдеріне ризашылығын білдіріп, Алғыс хаттар табыс етті. Сөз алған БАҚ-пен байланыс және ақпараттық түсіндіру жұмысын ұйымдастыру бөлімінің басшысы Айгүл Әлі «Біз сіздерді «рухани жаңғыртуға келсек, сіздер керемет көрмелеріңіз, іс-шараларыңыз арқылы өзіміз талай нәрсені үйрендік» дей келе, Қаратал ауданында Елбасы Н. Назарбаевтың тапсырмасы бойынша іргелі істер атқарылып жатқанын айтып, оң бағасын берді. Қонақтар мен аудан өнерпаздары жұртшылыққа тамаша концерт ұсынды. Жыршы, әнші, термеші Әбіш Әбілбеков бастаған өнерпаздар мәдениет үйінің сахнасын өз өнерлерімен әрледі. Осылайша, Рухани жаңғыру жұмысы  жоғарғы деңгейде өтіп, қараталдықтарға ерекше рух сыйлады.

«Қаратал-ақпарат»

 

Біздің журнал

FacebookTwitterMixxVimeo

Күнтізбе

« Қыркүйек 2018 »
Дс Сс Ср Бс Жм Сб Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30