СЕРВИСТІК ӘКІМДІК АШЫЛДЫ

Бәрекелді!

 

Елбасымыз Н. Назарбаевтың халыққа арнаған Жолдауында «Бір терезе» қағидасы бойынша тұрғындарға қызмет көрсету орталықтарын құру қажеттілігін айтқан болатын. Жалпы, «Бір терезе» қағидасының мақсаты - халыққа уақытылы және сапалы қызмет түрін ұсынуда сыбайлас жемқорлық, төрешілдік, сөзбұйдалық және басқа да кедергілерді болдырмау, қарапайым халықтың мемлекеттік органдарға текке сабылуын қысқартып, қызмет көрсету жүйесін орталықтандыру. Яғни, тұрғындардың бір ғимарат ішінде, бір уақытта бірнеше құжатқа қол жеткізуіне мүмкіндік жасау.

Жуырда аудандық «Сервистік әкімдіктің» ашылу салтанаты болып өтті. Шараға жиналған көпшілікті аудан әкімі Рауан Рақымбеков: «Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша Департаментінің қолдауымен мемлекеттік қызмет көрсетудің жаңа үлгісіне қол жеткізіп отырмыз. Қазақстан Республикасының Конституциясы мен заңдарын сақтау, барлық іс-қимылымызда заңдылық, әділеттілік пен адалдылық, азаматтық және ұлтаралық, принциптерін басшылыққа алып, Қазақстан хақына адал және біліктілікпен мемлекеттік қызмет атқаруды қоғам мен мемлекет тарапынан біздерге айрықша сенім білдіріп отыр. Біздің міндет - халыққа қызмет! Сондықтан келген әр адамға орталық мамандары жақсы қызмет көрсетеді. Ауданымыз алдағы уақытта жаңа бағыт пен технологиялардың озық үлгісін пайданала берсін», - деп құттықтауын жеткізді.

Одан соң Мемлекеттік қызмет істері және сыбайлас жемқорлыққа қарсы іс-қимыл агенттігінің Алматы облысы бойынша Департаментінің басшысы Серікбай Нұрғисаев сөз алып, «Осындай орталықтардың Алматы облысында көптеп ашылуы көңілге медеу ұялатады. Сіздердің аудандарыңызда ашылған сервистік орталық бүгінде алғашқылардың қатарында. Елбасы тапсырмасына сәйкес, бүгін тұрғындарға бiр орталықтан ыңғайлы және сапалы қызмет көрсетуге мүмкiндiк туды.

Халыққа жаңа қызмет көрсету орталығының ашылуы - еліміздегі саяси интеграцияның нышаны. Мемлекеттің даму сатысы жоғарылаған сайын халықтың сұранысы да арта түспек. «Құжатсыз тарих болмайды, тарихсыз мемлекет болмайды» деген бұрынғыдан жеткен дана сөзде айтылғандай, халықтың құжат мәселесін реттеу бір жолға қойылып отыр», - деді.

Сондай-ақ, Серікбай Өрікбайұлы қаз-қатарынан тізілген, мойындарына бүгінге дейін жеткен жетістіктерін айшықтайтын медальдарын тағынған жас спортшыларды ерекше мақтанышпен атап өтті. Олардың арасында ертеңгі әлем чемпиондары бар екенін тілге тиек етті. Осыдан соң салтанатты жағдайда әкімдік сервистік орталықтың лентасы қиылып, жеті нан таратылып, шашу шашылды. Қадірлі қонақтар мен аудан азаматтары заманауи үлгіде, жаңа талаптарға сай салынған ғимарат ішіне кірді. Ондағы әр бөлімнің мамандарымен танысып, олардың қандай қызмет көрсететіндіктеріне қызығушылық танытып, орталық қызметтері мен жұмыс процестерін келуші ретінде байқап көріп, ризашылығын білдірді.

Әлия ӘЛІБЕК

Әз наурыз, елге нұр жауғыз!

 

* Репортаж

 

   22 наурыз - Ұлыстың үлы күні Үштөбе қаласының орталық алаңында кең көлемде тойланып өтті.

     «Көктемнің жан сергітер самалы есіп, келді ғой Наурызымыз қағып есік. Қырандай қиырларға қанат сермеп, жасай берсін туған елім – алтын бесік» деп жырлаған жұрттың көңілі көтеріңкі болды. Алаңда ақ боз үйлер тігіліп, жұртшылыққа наурыз көже таратылды. Қазақы қөлөнер бұйымдары мен зергерлік заттар көрмесі жұрт назарын аударып, көз қуанышына айналды.

   Әуелі «Атаңнан мал қалғанша, тал қалсын!» деген қағиданы ұстанған аудан әкімі Рауан Рақымбеков, аудандық мәслихат хатшысы Бақыт Смаилов, аудандық қоғамдық келісім кеңесінің төрағасы Тұрсын Оспанов, Талдықорған өңірі бойынша күрді этно-мәдени орталығының жетекшісі Али Момуч-оглы, аудандық шешен этно-мәдени бірлестігінің басшысы Омар Давлетбаев және басқа да азаматтар шырша егіп, жастарға үлгі-өнеге көрсетті.

   Мерекелік құттықтау лебізін жеткізген аудан әкімі Рауан Рақымбеков барша аудан тұрғындары мен қонақтарын ұлыс күнінде әр шаңыраққа бақыт пен шаттық, көл-көсір қуаныш тіледі.

   Сондай-ақ, аудандық қоғамдық кеңестің төрағасы Т. Оспанов, славян этно-мәдени бірлестігінің жетекшісі В. Спиридонова көктемнің шуақты мерекесі, күн мен түн теңелген наурыз мейрамымен құттықтады.   

  Наурыз тойында аудандық мәдениет үйінің өнерпаздары жұртшылық назарына «Жаршылар», «Ұйқыашар» «Селт еткізер» рәсімін жасап, қазақтың ұлыс күінінде жасалатын салт-дәстүрін ұсынды. «Амандасу» әдеп-ғұрпы бойынша ерлер төс қағыстырып, аналар құшақ айқастырып, осынау әз мейрамға, көкөзек шақ - көктемге жеткеніне қуанып, сағына көрісті. «Ағаш отырғызу» рәсімінде жігіттің көшетіне әжелер ақ бүркісе, «Киелі қазан» рәсімінде жұртқа наурыз көже таратылды. Көріністе күнге сәлем берген жұрт, қолында адыраспан, аршаны темір ыдысқа салып, түтін түтетіп, бәле-жалны аластаған аналар образы сәтті шықты. Ұлыс күнінде Қыдыр ата бата беріп, халыққа ырыс-береке, молшылық пен тыныштық тіледі.

   Мерекелік концерттің шымылдығы халықтық «Қаратал әуендері»   ұлт аспаптар ансамблі орындаған «Жылқышы» күйімен ашылды. Сүйінбай атындағы филармония әншісі, мәдениет қайраткері Бақытгүл Әбенова «Ұлыс күнім Наурыз», «Келді жыл басы», «Қазақ елі» әндерін құйқылжыта шырқады. Анар Байгөбек «Әнші дауысы», Шынар Дүйсенбекова «Алматым жүрегімде» шығармалары да көпшіліктің көңілінен шықты. «Алтынай» би ансамблі қазақтың «Домбыра сазы», «Көңілді ару», «Шашу» биін мың бұрала биледі. Жарықтық, аспан шайдан ашылып, күн сәулесі мереке көркін еселей түсті. Наурыз тойында асық ату, күрес, гір көтеру, арқан тарту, тоғызқұмалақ, дойбы секілді спорттық ойындар халықтың делебесін қыздырып, сайыскерлерді демеп отырды. Бұл күні алаңда ән мен күй толастамай, құлақ құрышын қандырды. Жұрт көтеріңкі көңіл-күймен бір-бірін мерекемен құттықтап, ізгі тілек тілеп жатты.

А. Өмірбаев.

    

 

 

Қанағаттандық, қанаттандық!

 

 

Елбасымыздың  үндеуін аудан жастары да қолдап, қуаттады.  Мұның бәрі бізді қуантады. Тәуелсіз мемлекетіміздің тіреуі мен тілегі болар жастар ел болашағына сенеді. Жалынды жастар алаңсыз білім алып, еңбек етіп, өмір сүргенді армандайды. Сол үшін де біз Елбасымыздың халқымызға арнаған «Президенттің бес әлеуметтік бастамасы» атты халыққа Үндеуін оқып, жақсы көңілде болдық. Елбасымыз өз сөзінде «Біз бүгін әлеуметтік жаңғыру жолында жаңа, ауқымды қадам жасауға дайынбыз» деп, нақты айтты. «Жоғары білім алудың қолжетімділігі мен сапасын арттырып, студент жастардың жатақханадағы жағдайын жақсарту» бастамасы бізге, жастарға деген мемлекет қамқорлығының айқын көрінісі.
Қазіргі таңда мемлекет алдында төртінші өнеркәсіптік революция жағдайындағы жаңа экономикада зор сұранысқа ие болатын сан мың жаңа маманды даярлау мақсаты тұр. Ол үшін жыл сайын бөлінетін 54 мың грантқа қосымша 2018-2019 оқу жылында тағы 20 мың грант бөлінсе, оның 11 мыңы техникалық мамандықтар бойынша бакалаврлық білім беруге тиесілі болатыны қуантты. Сонымен қатар, Елбасымыз Н.Назарбаев 2022 жылдың соңына дейін студенттерге арнап кемінде 75 мың орындық жаңа жатақхана салуды тапсырды.  Мемлекет басшысының адами капитал, білім мен денсаулық туралы алға қойған міндеттері – ұшқыр уақыт алға тартқан маңызды мәселелер деп бағалаймыз. Сондықтан біз жастар ауданның әр саласында өз мамандықтарымыз бойынша жаңаша еңбек етіп, қажыр мен қайратымызды, білімімізді жарқын іске, жақсы бастамаларға арнайтын боламыз. Бұған біздің күш-жігеріміз жетеді.

Рақметқазынов Нұржан Нұрланұлы 

Қаратал ауданының жастар ресурстық

орталығының жетекшісі.

 

 

5 крупных инвест проектов планируют реализовать в Алматинской области

 

          В минувшем году, в Каратальском районе был проведен инвестиционный форум, в ходе которого заключили 5 меморандумов, на общую сумму 3 млрд. 555 млн. тенге. В результате чего, в 2018-2019 гг. будут реализованы 5инвест проектов, один из которых - молокоперерабатывающая ферма ТОО «Тастобе Агро Фуд», на 70 новых рабочих мест, ежедневной мощностью 4500 литров молока.

         Местным исполнительным органом, на текущий год запланировано строительство 60 квартирного арендного жилья в районном центре, обеспечение сел централизованным водоснабжением, реконструкция внутригородских дорог и текущий ремонт спортивной школы. Об этом, на отчетной встрече с представителями СМИ, рассказал акимКаратальского района РауанРакымбеков.

         По словам спикера, в этом году начнется плановое обеспечение голубым топливом. И основной упор будет сделан на привлечение инвестиций для развития промышленной площадки.

         «Будет построена газораспределительная подстанция. В данный момент идут работы по привлечению инвестиций, которые будут направлены на подведение газопроводных сетей. Однако, несмотря на все усилия, обеспечить жителей голубым топливом сможем лишь ко второй половине 2019 года. В этом году будем развивать промышленное производство. Планируем запустить ряд крупных проектов, благодаря которым, у нас появятся 800 новых рабочих мест. Среди 5 объектов малого и среднего бизнеса, будут объекты общепита и малого производства. Объем инвестиций на 2018-2019 годы планируем расширить до 7,5 млрд.тенге», - говорит Рауан Ракымбеков.

Қаратал ауданының әкімі Рауан РАҚЫМБЕКОВТІҢ 2018 жылғы аудан тұрғындарының алдындағы есебінің тезистері


                                                          

Бюджет. Салықтар мен басқа да міндетті төлемдерді жинау жоспары 2017 жылдың 11 айында 105 пайызға орындалып, 927,7 млн. теңгенің орнына 973,7 млн. теңге түсті.

Республикалық бюджетке 174,3 млн. теңге түсіп, болжам 105,6 пайызға, жергілікті бюджетке – 799,4 млн. теңге түсіп, болжам 104,8 пайызға орындалды.

Шығыстар бойынша аудан бюджеті 4 млрд. 415 млн. теңгені құрап, 97 пайызға игерілді.

Өнеркәсіпте өндірілген өнім көлемі 2256,1 млн. теңгені немесе  2016 жылмен салыстырғанда  107,8   пайызды, индекс көлемі 94,7 пайыз құрады.

Инвестиция. Аудан экономикасына есепті кезеңде 5787,5 млн. теңге инвестиция тартылды немесе 2016 жылмен салыстырғанда 115,4 пайызды құрады. Оның ішінде республикалық бюджеттен 286 млн. теңге, жергілікті бюджеттен 1277,9  млн. теңге және 4223,7 млн. теңге – кәсіпкерлердің жеке қаржысы.


 

Ауыл шаруашылығында 21,3 млрд. теңгенің өнімі өндірілді, немесе 2016 жылмен салыстырғанда 102,2 пайызға өсу қарқыны бар.

Оның ішінде мал шаруашылығы бойынша 6,5 млрд. теңге, егін шаруашылығы бойынша 14,7 млрд. теңге. Есепті мерзімде 7380 тонна ет, 15598 тонна сүт, 6783 мың дана жұмыртқа өндірілді. Мал басы сақтандырылып, 2017 жылдың 1 желтоқсанына мүйізді ірі қара 35036 бас, қой мен ешкі басы 92013, жылқы 7586 бас, шошқа – 405 бас және құс 102629 басты құрады.

Қант қызылшасы бойынша 1100 га алқаптан, 41000 тонна өнім алынды, өнімділігі 372,7 ц/га. Жоспар 106,5 пайызға орындалды.

Сыбаға бағдарламасы бойынша 438 ірі қара мал басы алынып, жоспар 146,0 пайызға, Құлан бағдарламасы бойынша 106 жылқы басы алынып, жоспар 106,0 пайызға, Алтын асық бағдарламасы бойынша 600 қой басы алынып, жоспар 109,1 пайызға орындалды.

Құрылыс жұмыстарының көлемі 5527,9 млн.тенгені құрады немесе 2016 жылмен салыстырғанда 106,0 пайызға өсті.

Тұрғын үй, коммуналдық шаруашылық саласы бойынша аудандағы 35 елді мекеннің 28-і немесе 80,0 пайызы орталықтандырылған ауыз сумен қамтылған.

2017 жылы Өңірлерді дамыту бағдарламасының шеңберінде ауданымызда ауқымды шаралар жүргізілуде, атап айтқанда:                      «Қарақұм ауылының сумен жабдықтау жүйелерінің құрылысы»  нысан бойынша келісім-шарт жасалды, жұмыстар жүргізілуде, аяқталу кезеңі - 2018 жыл. «Ақжар ауылының сумен жабдықтау жүйелерінің құрылысы» жобасы бойынша құрылыс монтаждық жұмыстар жүргізіліп, нысан іске қабылданды.

Сонымен қатар, келесі жобалар іске асырылды: «Үшкөмей ауылының сумен жабдықтау жүйелерінің құрылысы» - бойынша жұмыстар жүргізіліп, аяқталды. «Көкдала ауылының сумен жабдықтау жүйелерінің құрылысы» - нысаныны бойынша, жұмыстар толығымен аяқталды.

Тұрғын үй саласында 11,8 мың шаршы метр тұрғын үй іске қосылды немесе 2016 жылмен салыстырғанда 109,3 пайыз.

Автомобиль жолдары бойынша:

1. Үштөбе қаласындағы Т. Рысқұлов көшесін күрделі жөндеу жұмыстарына келісім-шарт жасалды. Ағымдағы жылдың желтоқсан айында жұмыстар толығымен аяқталады. 

2. Үштөбе қаласының 4 көшесіне (Жәлменде би, Қарасай батыр, Мол-дағұлов, Жансүгіров) орташа жөндеу жөндеу жұмыстары толығымен аяқталды.

3. «Қаратал ауданы Кәлпе ауылындағы Тоқаев көшесін орташа жөндеу» жұмыстары толығымен аяқталды.

Әлеуметтік бағдарламалар бойынша:

1. 792 жаңа жұмыс орны ашылды.  2. 1324 жұмыссыз азамат жұмысқа орналыстырылды. 3. Қоғамдық жұмыстқа 330 жұмыссыз азамат жіберілді, жылдық  жоспар 110,0 %-ға орындалды. 4. Жастар практикасына 86 жас түлек жіберілді. 5. 303 адам кәсіптік оқуға немесе біліктілігін артуға жіберілді.  

Мемлекеттік атаулы әлеуметтік көмек. Мемлекеттік атаулы әлеуметік көмек 118 отбасына 3,4 млн. теңгеге тағайындалды.

Балаларға төленетін жәрдемақы. Көп балалы отбасының 2382 балаларына 49,3 млн. теңге төленді.

Әлеуметтік көмек түрлері бойынша. Аз қамтылған 642 отбасыларға 20,7 млн. теңге тұрғын үй көмегі төленді. Жағдайы төмен отбасыларынан шыққан және жетім қалған 24 студентке  8,1 млн. теңге оқу ақылары төленді. 33 мүмкіндігі шектеулі балаларды үйде тәрбиелеп, оқыту үшін 1,1 млн. теңге төленді. Ауылда тұратын 867 медицина, білім беру және мәдениет қызметкерлеріне 9,8 млн. теңге коммуналдық әлеуметтік көмек төленді.

Білім бөліміне қарасты 30 жалпы білім беру мекеме жұмыс істейді, оның ішінде 4 бастауыш мектеп, 5 орталау мектеп, 21 орта мектеп. Олардың 19-ы қазақ мектебі, 9-ы аралас мектеп, 2-уі  орыс мектебіБиылғы оқу жылында 6764 оқушы қамтылды. Ауданымызда үш ауысымды және апаттық мектеп жоқ. Мұғалім саны – 875.

Мемлекеттік мектепке дейінгі ұйымдар желісі 26-ға (2016 жылы - 24),  дейін өсті. Қамту пайызы 96,8-ге тең болды.

2017 жылы ауданның 19 мектебін 362 оқушы бітірді, оның 232-і Ұлттық бірыңғай тестілеуге қатысуға өтініш білдірді. Қатысу пайызы – 64,1 болып, аудан бойынша орташа балл – 81,5 құрады. Былтырғы жылмен салыстырғанда 5,4  пайыз төмендеді (2016 жылы –  86,86 болған).

Денсаулық саласында емдеу және профилактикалық шаралардың атқарылуына байланысты әлеуметтік мәні бар бірқатар аурулардың былтырғы жылмен салыстырғанда төмендеу қарқыны бар, атап айтқанда, туберкулез – 14 жағдайға, венерологиялық аурулар – 2 жағдайға, вирустық гепатит – 1 жағдайға төмендеді.

Мәдениет саласында 41 штат бірлігімен – 12 мәдениет үйі, 23 штат бірлігімен 10 кітапхана жұмыс істейді, 69 клуб құрылымдары, 4 «Халық ұжымы» бар. 2017 жылдың 11 айында клуб қызметі бойынша 1978 мәдени іс-шара атқарылды, 702,4 мың теңгеге ақылы қызмет көрсетілді. Бүгінгі күні кітапханалардағы кітап қоры  196135 данаға жетті, оқырмандар саны – 10128.

Ұйымдастыру мәселелері. 2017 жылы барлық деңгейдегі әкімдердің тұрғындардың алдында есеп беруі кезінде 6 ұсыныс түсті, ұсыныстардың орындалуы жөніндегі іс-шаралары аудан әкімінің қаулысымен бекітіліп, орындалуы бақылауға алынған, жұмыстар жоспарлы түрде атқарылуда. Оның ішінде құрылыс жұмыстары және жолдарды жөндеу мәселелері – 1, білім беру, денсаулық сақтау, мәдениет нысандарын жөндеу және салу туралы – 2, таза ауыз су мәселелері – 3. 

Атап айтқанда: 1. Қаратал ауданының Үштөбе қаласы балалар мен жасөспірімдер спорт мектебіне арналған спорт базасын реконструкциялау жұмыстары жүргізіліп, құрылыс қолданысқа берілді; 2. Үштөбе қаласы Т.  Рысқұлов көшесіне күрделі жөндеу жұмыстары жүргізіліп, аяқталу барысында; 3. Панфилов атындағы орта мектеп коммуналдық мемлекеттік мекемесіне күрделі жөндеу жұмыстарын жүргізуге жобалық-сметалық құжат (ЖСҚ)  әзірлеуге келісім-шарт жасалған. Бірақ, 2017 жылдың 15 мамырында Алматы облысы Қаратал ауданының Панфилов атындағы орта мектебінің ғимаратын күрделі жөндеуден өткізуге техникалық қорытынды жасалынды, сол қорытынды бойынша: нысанның жай-күйіне байланысты, арматуралауға жұмсалатын шығындар жаңа ғимаратты салу құнынан асып кетуі мүмкін және сол уақытта қолданылатын стандарттар бойынша талап етілетін сейсмикалық кедергіге қол жеткізілмейді. Ғимараттың әрі қарай жұмыс істеуі үшін қабырғалар мен бетон негіздерін нығайту іс жүзінде іске асырылмайтын және экономикалық тұрғыдан тиімді емес және бұзылуға жататындығы мәлім болып, 2018 жылға жаңа мектеп бой көтерілуі жоспарлануда; 4. Ақжар ауылының ауыз сумен жабдықтау жүйесін реконструкциялау және салу нысаны бойынша құрылыс-монтаж жұмыстары толығымен аяқталды. 5. Үшкөмей ауылын ауыз сумен жабдықтау нысанын реконструкциялау және салу нысаны бойынша құрылыс-монтаж жұмыстары жүргізіліп, нысан қолданысқа берілді. 6. Көкдала ауылын ауыз сумен жабдықтау нысанын реконструкциялау және салу нысаны бойынша құрылыс-монтаж жұмыстарын жүргізу жұмыстары жүргізіліп, жұмыстар толығымен аяқталды.

Қаратал ауданы бойынша 2017 жылдың 11 айында жеке және заңды тұлғалардан барлығы 1417 өтініш келіп түсті. Оның 1075-сі жеке тұлғалардан және 196-сы заңды тұлғалардан, оның ішінде жеке қабылдауда тіркелген азаматтар саны – 146. Жер учаскесін бөлу мәселелері бойынша – 652, ТҮҚ жүргізу, қосымша құрылыс салу туралы – 57, әлеуметтік мәселелер (жұмысқа орналасу, білім беру, еңбекақы төлеу және т. б.) – 75, мемлекет есебінен тұрғын үй бөлу туралы – 51, материалдық көмек туралы – 57, тұрғын үй-коммуналдық шаруашылық мәселелері туралы – 43, ауыл шаруашылығы мәселелері туралы – 30 және өзге де мәселелер бойынша – 452. 920 өтінішке қанағаттанарлық жауап берілсе, 471 өтінішке түсініктеме берілді, 26 өтініш қаралу деңгейінде.

Аудан әкімі аппаратында, қала, ауылдық округтерде және мемлекеттік құрылымдық бөлімшелерде азаматтардың өтініштерін қарау барысында лауазымды тұлғалар тарапынан дөрекілік таныту  және негізсіз әуре-сарсаңға салу фактілеріне жол бермеу, өтініштерді мерзіміне сәйкес және сапалы қарастыру, аудан тұрғындарының шағымдануына негіз болған себептерді анықтау және жою жөніндегі мәселелерге баса  назар аударылады.

Аудан әкімдігінің веб-сайтында және аудан әкімдігінің бөлімдері орналасқан ғимараттардың белгіленген жерлерінде тұтынушыларға қолжетімді және  қолайлы етіп мемлекеттік қызмет көрсету стандарттары мен облыс әкімдігімен бекітілген регламенттері және тиісті нормативтік-құқықтық актілері жиынтығы бар ақпараттық стендтер орнатылған. Көрсетілетін мемлекеттік қызмет мәселелері бойынша туындайтын сұрақтарға жауап беретін телефон нөмерлері көрсетілген. Ауданда 21 мемлекеттік органда мемлекеттік қызметтің 92 түрінен қызмет көрсетіледі. 2017 жылдың 1 қазанға мемлекеттік органдармен 18703 мемлекеттік қызмет көрсетілген, соның 2971 халыққа қызмет көрсету орталығы (ХҚКО) арқылы. Аудан бойынша мемлекеттік қызмет көрсету сұрақтары бойынша БАҚ-да мемлекеттік орган қызметкерлерінің басылымға шығу бойынша медиа-жоспары бекітілген.

Барлық мемлекеттік қызмет көрсететін мемлекеттік мекемелердің жұмыс кестесі, мекен-жайы және мемлекеттік қызмет алуға қажетті құжаттар туралы ақпараттар жергілікті БАҚ-да бүгінгі күнге 27 рет жарияланып, мемлекеттік қызметтердің сапасын арттыру мен оны жетілдіру бойынша 7 дөңгелек үстелдер, семинар-кеңестер өткізіліп, қызмет көрсету бағытында ақпараттық түсіндіру жұмыстары жүргізілуде. Мемлекеттік қызметтер көрсету мерзімдерінің бұзылу себептері тіркелген жоқ.

Біздің журнал

FacebookTwitterMixxVimeo

Күнтізбе

« Қараша 2018 »
Дс Сс Ср Бс Жм Сб Жк
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30