Берері мол бағдарлама

                                 

         Әрбір ата-ана балаларына жақсы білім алуға мүмкіндік жасап, кейін сол "білімді баласының" жақсы қызметке орналасуын армандайды. Бірақ, қолына дипломын алған жас маманның кез келген еңбек жолын қаладан бастағысы келетіні анық. Бәріне бірдей қалалы жерден жұмыс табыла бермесі анық. Содан әйтеуір күн көрудің амалы үшін екі қолға бір күрек табуға тырысады. Нәтижесінде диплом сандықтың түбінде шаң басып қалуда. Осы жағдайға байланысты Ауыл шаруашылығы министрінің қолдауымен 2009 жылдан бері “Дипломмен ауылға” жобасы қолға алынды. Мақсат – жұмыссыз жүрген мамандарды елді мекендерге жұмысқа орналастырып, ауылдың жағдайын көтеру болатын. Аталған бағдарлама төңірегінде көптеген жастар жұмысқа тұрып, көтерме жәрдемақы мен баспана алуға пайызсыз несие алып шарапатын көріп жатқандар баршылық.

 

        Солардың бірі - Есбосынова Жазира Бақытқызы. Ол 1991 жылы Көксу ауданына қарасты Жамбыл ауылында отбасында 10 перзенттің 9-шысы болып өмірге келген. Көпбалалы отбасынан шыққан Жазира 1997 жылы Жамбыл атындағы орта мектебінің табалдырығын аттап, 2008 жылы оны тәмәмдаған. Сол жылы С. Ж. Асфендияров қазақ ұлттық университетіне «Жалпы медицина» мамандығына түсіп, 2015 жылы «Интернатура» маманы атанған.

      Жазира Бақытқызы оқуының соңғы курсында жүргенде жолдасы Маратпен танысып, арада бір жыл өткен соң шаңырақ көтереді. Арада көп уақыт өтпей жас отбасының құрамы Жібек есімді қыз баламен толығады. Үш айға толмаған сәбиін ата-енесі қолына алып, ал жас маман 2016 жылы «Жаңаталап ауылдық амбулаториясына»  жалпы тәжірибедегі дәрігер болып жұмысқа орналасады. Мамандығын сүйген Жазира бар ынта-жігерімен жұмыс жасап, 2017 жылдың сәуір айынан бастап аталған амбулаторияның меңгерушісі қызметіне тағайындалады.  Жаңаталап ауылына жұмысқа тұрған уақыттан бастап, «Дипломмен-ауылға!» бағдарласын естіп, сол арқылы баспаналы болған. Жазира мемлекеттің барлық көмегін көріп отырғандығын айтады.

                      Жазира Бақытқызы:

-         Біз - өте бақыттымыз. Осылай жас отбасы болып, үйлі болып жатқанымызға ризамыз. "Дипломмен ауылға" бағдарламасы біздерге жұмыс жасап, үйлі болуымыз үшін өте тиімді. Өзім де баспаналы болдым. Жастарға айтарым, сіздерде аянбай еңбек етіңіздер. Біз мемлекет тарапынан көрсетіліп жатқан көмекке қуаныштымыз.

 

         Міне, осылайша оқу бітірген жас түлектер «Дипломмен – ауылға!» бағдарламасы аясында ауылға келіп, туған жердің өркендеуіне сәл де болса ықпалын тигізіп жатыр. Олардың саны жыл санап артып келеді. Өйткені, мемлекет тарапынан ауылға барып жұмыс істеуге және тұруға ниет білдірген мамандарға әлеуметтік қолдау шаралары қарастырылған. Бұл бағдарлама жұмыс іздеген жастарға да, ауылдық жердегі кадр тапшылығын жолға қоюға да тиімді болды. Аталған бағдарлама ясында түлектерге жүктелер үміт үлкен, сенім мол. Жас мамандар үмітті ақтап, сенімді селкеу түсірмеуі парыз. Бұл жастар қауымының еліміз еркіндік алғалы бергі елді дамытуды көздеген алғашқы қарқынды қадамы болмақ. Тәуелсіз Қазақстанның жаңа тарихында жастардың ойып тұрып орын алуға тамаша мүмкіндігі туды. Ауыл қайнаған тіршіліктің ортасы, сезіне, түсіне білген адамға үлкен мектеп. Демек, ел ертеңін ерекшелейтін құн­дылық ауылдағы білімнен бастау ала­рын байқаймыз. Елбасы Нұрсұлтан Назарбаевтың «Болашаққа бағдар: рухани жаңғыру» мақаласындағы «Туған же­р­ге туыңды тік» деген сөзін ескерсек, ауылға келіп еңбек ету ел үшін де, ер үшін де пайдасы мол екені айтпаса да түсінікті. Біз  Жазира Бақытқызының  отбасына амандық, еңбегіне жеміс, ауылдың өсіп-өркеуіне өз үлесі қосуына тілектеспіз!

 

Әлия ИСКЕНОВА

Чернобыль апаты кеше, бүгін, ертең

  • Ø  Кездесу кеші

                   

          Сәуір айының 19 күні №51 С. Морозов атындағы орта мектеп гимназиясында Чернобыль атом электр станциясындағы апатқа 32 жыл толуына орай «Чернобыль апаты кеше, бүгін, ертең» атты кездесу кеші болып өтті. Шараға Чернобыль апатынан құтқару барысында өз борышын орындаған Алматы облысы бойынша Чернобыль ардагері және мүгедектері қоғамдық бірлестігі төрағасының орынбасары Бауыржан Мамырбаев, ауданнан Чернобыль апатына қатысқан бір топ азаматтар, аудан әкімінің орынбасарлары мен мектеп директорлары, бөлім басшылары қатысты.

   Ең алғаш жиылған жұртшылық Чернобыль апатынан қаза тапқан отандастарымызды бір минут үнсіздікпен еске алды. Одан соң сөз алған аудан әкімінің орынбасары Қайрат Қасымов: «Чернобыль атом электр станциясындағы 1986 жылғы 26-сәуірдегі апатты жоюға 600 мыңға жуық адам қатысты. Оның ішінде химиялық қорғау полкі құрамындағы 32 мың қазақстандық болды. Украин халқы Чернобыль апатының зардабын жоюға тигізген пайдаларыңыз үшін әлі күнге зор ризашылықпен алғыс айтады. Сол кездегі Чернобыль апаты күллі адамзаттың қасіретіне айналды. Сіздер өз денсаулықтарыңыз бен өмірлеріңізді қиып, украин халқының басына ауыр күн туғанда қасынан табылып, көмек көрсеттіңіздер. Сол үшін сіздерге шексіз алғыс білдіремін»-деді.  Сонымен қатар, Қайрат Саханұлы М. Айтқожанов, Д. Амамбаев, И. Атчабаров, С. Рашидов, Н. Сернецкий, В. Югай, Е. Бейсембаев, О. Калдыбаев, Д. Дуз-оглы  сынды  бір топ азаматтарға  Чернобыль апатына қатысқанын растайтын куәлік пен төсбелгі табыстады.

   Өз кезегінде өз алған кеш қонағы Алматы облысы бойынша Чернобыль ардагері және мүгедектері қоғамдық бірлестігі төрағасының орынбасары Бауыржан Телжанұлы: «Бүгінгі өткізіліп отырған кездесуді ұйымдастырған азаматтарға үлкен рахмет айтамын. Кейінгі жас ұрпаққа кішкене болсада Чернобыль апаты туралы ақпараттарды айтып, өткен күнге бір сапар шектік»-деді. Артын ала №51 С. Морозов атындағы орта мектеп гимназиясының оқушылары жиылған көпшілікке Чернобыль атом электр станциясының өту тарихымен таныстырып, концерттік бағдарламаларын ұсынды.

                                                                                            Әлия ӘЛІБЕК

Жаңа емхана ашылды

Мамыр айының 9 күні Үштөбе қаласы, Молдағұлов көшесінің бойынан жаңа емхана есігін айқара ашты. Бұл темір жолдың арғы бетінде тұратын қала тұрғындары үшін аса бір күтпеген қуаныш болды.

Жыл өткен сайын Үштөбе қаласының батыс бөлігіндегі ғимараттар жаңартылып, ажарланып келеді. Айталық, былтырғы жылы І. Есенберлин мектебі күрделі жөндеуден өтсе, тәуелсіздік күні қарсаңында 30 пәтерлі тұрғын үй күрделі жөндеуден өтіп, пайдалануға берілді. Міне, Ұлы Жеңіс күні қазақтың батыр қызы Әлия Молдағүлова көшесіндегі көп қабатты үйден «Қаратал аудандық орталық ауруханасы» МСК емхана бөлімшесі ашылды.

Аталмыш дәрігерлік нысан ҚР Президенті Н. Назарбаевтың 2016 жылғы 15 қаңтардағы Жарлығымен денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасы аясында қызметтердің барынша қолжетімді болуы үшін медициналық ұйымдардың желісі өңірлердегі демографиялық және инфрақұрылымдық жағдайларды ескере отырып дамытуды және ұйымдардың халық түратын жерлерге барынша жақындатылған кіші және шағын нысандарына басымдық беру мақсаты аясында пайдалануға беріліп отыр.

 Салтанатты шарада аудан әкімі Қайрат Бисембаев барша қала тұрғындарын емхананың ашылуымен құттықтады.

 

- Былтырғы жылы осы көпқабатты үйден тұрғындарға пәтер кілттерін тапсырғанда осы жерден бір емхана ашу ойымда жүрген. Теміржолдың бергі бетінде 6 мыңнан астам халық тұрады екен. Ел-жұрт анау орталықтағы ауруханаға теміржолдан  асып түсіп жететін. Ауруханаға жаны сыздаған, балтыры ауырған адам барады ғой. Сол өзі ауырып тұрған адам қаралу үшін аудан орталығындағы ауруханаға жетудің өзі қиындық тудыратын. Міне, игі мақсатымыз орындалып, тұрғындар ем алатын жаңа орталық ашып отырмыз. Құрметті қала тұрғындары! Денсаулықтарыңыз мықты болсын! Осы жерден ем алып, айығып кететін жағдайға жетіңіздер. Қуаныштарыңыз құтты болсын! - деді өңір басшысы Қайрат Әшірәліұлы.

Мұнда № 10-11 тәжірибелік дәрігерлік учаскесі жұмыс жасайды. Емхана дәрігерлері жұртшылыққа қалтқысыз еңбек етпек. Атап айтқанда, 2 жалпы тәжірибелік дәрігер, 6 медбике 4000 халыққа қызмет көрсететін болады. Егу бөлмесі, ем шара қабылдау бөлмесі, пациенттерді қабылдау бөлмесі жұмыс істейді. Сонымен қатар  науқастарға дереу жету үшін 1 жедел жәрдем көлігі қызмет көрсетпек.

Қуанышты күнде қала тұрғыны Қайныжамал апай осындай жағдай туғызған Елбасына, ел ағаларына алғысын айтып, ақ желеңді абзал жандардың жұмысына сәттілік тіледі. Қаңбақты ауылдық округінің ақсақалдар алқасының төрағасы Қуандық Әбдікәрімов «Жауынмен жер көгерер, батамен ел көгерер» дегендей, ақ батасын беріп, дүниеге келер дені сау ұрпақ көбейіп, қазақтың саны арта беруіне тілектестік білдірді.

Осыдан соң салтанатты жағдайда лента қиылып, ақ жаулықты әжелер тәттіден шашу шашты. Жұртшылық заманауи үлгіде жағдықталған медициналық кабинеттерді аралап, жақын жерден ем алуға мүмкіндік туғанына риза болысты. 

А. ӨМІРБАЕВ

Полиция пунктері ашылды

* Жайдарман жаңалық

 

     Қазақстан Республикасының тәуелсіздік күніне орай ауданымыздың Бастөбе, Айту би, Балпық және Тастөбе ауылдық округтерінде жаңадан салынған полиция пунктері салтанатты жағдайда ашылды. 13 желтоқсан күні Бастөбе ауылдық округі, Бастөбе ауылында № 4 учаскелік полиция пунктінің ашылу рәсіміне ауыл тұрғындары көптеп жиналды.

   Биылғы жылы Қазақстан Республикасының Полициясына  25 жыл толып отыр. Осыған орай қызметтік міндетін мүлтіксіз орындап, мамандығына адалдық танытып, қоғамдық тәртіп пен халық аралысында сақтық шараларын жүргізетін, азаматтардың тыныштығы мен құқығын қорғайтын білікті мамандар үлкен қуанышқа кенелді.

- Құрметті ауыл тұрғындары! Полиция қызметкерлері! Елімізде тұрақтылықтын сақталуы, тыныштықтың болуы полиция қызметкерлерінің жұмысына байланысты. Олар кез келген уақытта адам өмірінің қауіпсіздігі үшін күреседі. Елбасымыз тәртіп сақшылары туралы «Полицилер бұл – азаматардың құқығын және бостандығын қорғай отырып, қылмысқа қарсы күрес жүргізуде алдынғы қатарда тұратын адамдар»  деген болатын. ҚР Полиция қызметкерлерінің 25 жылдығына мерекесіне орай біздің ауданда бірталай іс-шаралар атқарылды. Соның ішінде, атап айтар болсақ, жергілікті полиция қызметінің ғимараты күрделі жөндеуден өтіп, жақын арада ашылады. Сегіз ауылдық округте, соның ішінде осы Бастөбе ауылдық округіндегі Бастөбе ауылында полиция қызметкерлерінің пунктері ашылып жатыр. Полиция пункті құтты болсын! – деді аудан әкімінің орынбасары Қайрат Қасымов. Ол полиция пунктері ашылған соң қылмыстың ашылу деңгейі артып, жұмыс жақсы жолға қойылатынына сенім білдірді. Ауыл ақсақалы Тілеуқабақ ата бата беріп, полицейлер жұмысына сәттілік тіледі.

   Аудан әкімінің орынбасары Қайрат Саханұлы мен Тілеуқабақ ақсақал салтанатты жағдайда лентаны қиып, ақ жаулықты әжелер тәттіден шашу шашты.  Осыдан соң жұрт жылы әрі жайлы полиция пунктіне бас сұғып, оң бағасын берді.

А. Бақытұлы.

 

 

 

Спрос пораждает предложение

 

 

Очень часто люди обращаются к нам, в газеты, тогда, когда не видят выхода из сложной ситуации и тогда, когда все двери захлопываются перед ними. Часто именно средства массовой информации освещают злободневные проблемы, привлекая к ним всеобщее внимание. Впервые в нашей газете мы открываем рубрику «В центре внимания», в которой, надеемся, вместе с помощью читателей будем поднимать проблемные вопросы общественного характера, привлекая к ним всеобщее внимание окружающих, чтобы люди, оказавшиеся в трудной жизненной ситуации знали, что они – не одни.

Толығырақ: Спрос пораждает предложение

Біздің журнал

FacebookTwitterMixxVimeo

Күнтізбе

« Желтоқсан 2018 »
Дс Сс Ср Бс Жм Сб Жк
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31